Victoria Namene Shikoyeni vati okwa faduka po okudja koSouth Africa oko a longela okaana komulumenhu waye oilonga i kumwifa, vati eka vaka po, teka kanwifa oJika, ndele teka fiye moixwa opo ngeno keli file.
Omolwa oilonga oyo ta fekelelwa, Shikoyeni vati okwa patululilwa oshibofa shekwato po lombabyona noshoyo shonghendabala yedipawo.
Omupopiliko wopolifi omupedu Commissioner Kauna Shikwambi okwa hokolola ta ti momafiku 26 September 2017, Shikoyeni vati okwa vaka mofikola okaana komulumenhu waye ndele ta i nako moixwa.
Vati okwa tameka okudula okaana oikutu ndele te katete eexwiki nokonima yefimbo okwa kondjifa okaana kamwe oJIK nelalakano vati opo kafye.
Okudja opo omutamanekwa okwa faduka po ndele ta fiye okaana moxiwa.
Opolifi oya hokolola elao linene okwa ka dja ovakainhu ovo ve li twa okaana ina kadjala sha, ka ninga eenhumbilila nomatunhila, ita kadulu nokufuda.
Ovakainhu oovo ova ende lela opo va yambidide okaana oko nova dengela opolifi diva. Shikwambi okwa hokolola ta ti konima yoshiningwanima Shikoyeni okwa ende lela diva opo a lukile moNamibia.
Okwa kala vati ha di koSwakopmund fiyo ta kwatwa po momafiku 14 Apiilili 2021.
Okwa li a holoka momhangu yaSwakopmund omo a li a ka pewa e li futile mo modolongo.
Vati omukainhu ou okwa kala ite li ufa komilandu domhangu eshi a dopa okukala te li lopota koshitaashi shopolifi yaSwakopmund, yee vati ka kwa li hai ko nokomhangu.
Okwe li xulwa okumonika mOshakati komaumbo eli popepi nofikola Mwadhina Gwanembenge Combined School.
Kwau e na ouyelele kombinga yomutamenekwa ou vati ino kendabala oku mu kwata shaashi okwa talika ko a nyika oshiponga. Shapo dengela opolifi keshe ili popepi ile 0816202584/0812350100.