New Era Newspaper

New Era Epaper
Icon Collap
...
Home / Sikolo sa Isize sifumana maino akwa sikolo

Sikolo sa Isize sifumana maino akwa sikolo

2019-01-28  Aron Mushaukwa

Sikolo sa Isize sifumana maino akwa sikolo

Isize – Sina likolo zeñata zefumaneha mwa libaka zamatakanyani mwa sikiliti sa Zambezi, baituti kuzwelela sikolo sa Isize mwasilalanda sa Kabbe ya Mutulo, neba talimana ni matata akupila mabapa ni sikolo ili teñi nebana ni kubapula matente kuli babe mabapa ni sikolo. Kwanda kutokwa limbuzi banana ba, nebasina hande maino sakata kakuli nebana nikubapula matente alekiwanga mwalintolo zama China. Kono pabalelo yabona nesina sepiso kakuli matente awo haisepiswi. Hakucisa, acisa hahulu mi hakubata abata hahulu, mi pula hainela nekuitekezwi kuli libyana zabona lika koloba. Nihakuli cwalo zeo kaufela seikaba matangu kasamulaho sikolo nesi amuhezi miyaho yamaino viki yefelile.

Miyaho yamaino mokukona kuina baituti bamashumi amalalu kababa beli (basizana ba 16 ni bashimani ba 16) neyahilwe kikampani ya Nexus, ili yesweli kuyaha mukwakwa wa Namalubi-Isize-Luhonono, mi netambekilwe kuba Liluko la Tuto, Lipapali ni Sizo, kakuba kalulo ya kampani yakubata kutusa sicaba. Hana bulela kanako yakutambeka miyaho, Mubakweli ku Likwambuyu wa Linzila ni Misebezi, James Sankwasa, ili yana tile ni mulelo wakuli kuyahiwe miyaho yamaino, kasamulaho akubona matata awo baituti neba talimani niona, nakupile baituti ni bashemi kubabalela miyaho. “Nibata kukupa baituti kuli bababalele miyaho ye, mi basike baisinyasinya ili kuli ikone kutobelekiswa kimasika asataha,” nabulezi. 
Sankwasa hape naitumezi kwa Kampani ya Nexus kakukutiseza kwasicaba mi nakupile likampani zeñwi zefumananga

lipeleko kwa muuso kuli nizona likopise.  Luna ni likampani zeñwi zetuna zesweli ku amuhela lipeleko kuzwelela kwa muuso, kono hakuna zebakutiselize sicaba mwalilalanda mone bafumani lipeleko. Nibata kufa mamela kubona bao kuli nako yakukutiseza kwasicaba itile mi kicwale,”nekubulezi Sankwasa. Mwamanzwi ahae muetapili wa kampani ya Nexus Deon Verster naize kampani yahae ilumela mwakukutiseza sicaba nikubulukela mwanaha Namibia. “Luikutwa hande hahulu kuli lufetuhile tatululo kwakutokwa maino fasikolo se,” nabulezi.


2019-01-28  Aron Mushaukwa

Tags: Khomas
Share on social media