New Era Newspaper

Icon Collap
...
Home / Twaloloka a ponokelwa ishewe kondalu yaNelyanga

Twaloloka a ponokelwa ishewe kondalu yaNelyanga

2021-01-22  Victoria Kaapanda

Twaloloka a ponokelwa ishewe kondalu yaNelyanga
Top of a Page

Omulilo ogwa halakanitha omagumbo  ga pita 27 mOmbaye molukanda Twaloloka, ashike elago enene inagu faalale omwenyo gwomuntu, nonando yamwe ya kanithilemo iinima yawo.

Omulilo ngoka gwe ya okudhimwa kukadhimamulilo, ogwa tameke okufika moshanga shomutenya Etitatu lyoshiwike shika, ihe kape na natango uuyelele kutya ogwa zi peni.

Herman Titus ngoka e na  ombashu molukanda ndoka okwa ti, ita popi oshoka ombashu ye inayi kwatwa komulilo, ashike omililo tadhi holoka molukanda moka odha fa tadhi ningilwa owina.

“Omolwa shike kehe ethimbo olukanda ndoka olo ashike talu pi komulilo? Shapo aantu oyo yene hayafike oombashu dhawo yene, nomatompelo gamwe ge li po,”Titus ta ti ngaaka.
Ta ti, okuuvite kutya aantu mboka taya fik, omboka inaya kwatelwa momagumbo ngoka taga tengenekwa okupewa aakalimo yomolukunda moka,ya li ya fikilwa oombashu dhawo omvo gwayi.

“Shika otashi tula oonkalamwenyo dhetu moshiponga, oshoka ka tushi omulilo ngoka ethimbo hagu tameke nege ha gu zi, otuuvu ashike aantu taya tondoka. Otuna uunona  tu li nawo muka mboka itawu vulu okukwiigamena una wa adhika komulilo owo awike,” Titus a popi nongeyo.
Ta kumagidha aakalimo yomolukanda lwaTwaloloka ta ti, kehe ngoka talongo iilonga yatya ngaaka, neyi tulepo, ota yonagulapo omaliko gaantu.

Oshiningwanima shoka osha holoka ashika omasiku omashona Ngoloneya gwoshitopolwa shErongo Naville Andre oshowo Mayola Trevino Forbes ya li ya eta puuyelele kutya aakalimo ye li 121 yomolukanda Twaloloka otaya ka tungilwa omagumbo muule womasiku omahupi.
Omagumbo ngoka otaga katungwa nondunda yimwe yokulala, okombitha oshowo okandjugo, naangoka ena ehalo lyokukagwedhako okwamanguluka okukeshi ninga.


2021-01-22  Victoria Kaapanda

Share on social media
Bottom of a page