Okanona kokamati komimvo 9 oka ethiwa kopolisi miikaha yaakuluntu yako sho anuwa ka kwata uunona womimvo yimwe oshowo ntano koonkondo.

Sha ikolelela komukuluntu gwopolosi moshitopolwa shaShikoto Teopolina Kalompo Neshuku , oshiningwanima shoka osha holoka momukunda Ononge moshitopolwa shaShikoto.

Otaku hokololwa kutya okanona hoka kokamati okali kaadha aanona mboka yaali aamwayinathana taya dhana kohi yomuti noku ya dhanena, sho eyalongele omiyonena dhoku yakwata koonkondo.

Moshiningwanima inaashifaathana okanona komimvo hamano okasi eso lyinyanyaleka oshiwike sha ziko sho kali kashelulwa kolusheno.

Neshuku okwati oshiningwanima shoka osha holoka momukunda Iimanya momudhingoloko Okatope.

Otaku hokololwa kutya okanona hoka okali taka dhana pamwe nayakwawo sho kwali ka taaguluka opaala yolusheno etayi mu shoko nokusa ethimbo olyo  tuu ndyoka.

Opolisi onkene tayi tsikile okukumagidha oshigwana shi kale aluhe tashi sile aanona oshimpwiyu noku kwashilipaleka aluhe kutya aanona oyeli megameno.

Aanona yeli kohi yomimvo oya pumbwa okukala ya gamenwa aluhe opo ya vule okugandwa uuna taya longo sha, sha puka nenge taya longelwa omiyonena. –  vkaapanda@nepc.com.na