New Era Newspaper

New Era Epaper
Icon Collap
...
Home / Va vaka ombelela ndele tava topelwa kelola lotuwa yavo

Va vaka ombelela ndele tava topelwa kelola lotuwa yavo

2022-09-30  Festus Hamalwa

Va vaka ombelela ndele tava topelwa kelola lotuwa yavo

Ovalumenhu vavali vati oshe va endela nai eshi elola lotuwa yavo omo vati kwali va londeka ombelela ya vakwa la topa.

 Oshiningwanima eshi osha ningwa Etitatu kOtjinene moshitukulwa shaMaheke.

Eengobe odi li pongushu yoshimaliwa N$33 000-00. 

Komufala wopolifi moshitukulwa shaMaheke Commissioner Andreas Haingura okwa hokolola ta ti ovafekelwa okwa li tava shingi otuwa yoNissan ova hangika komukwashiwana konima eshi otuwa yavo ya topa elola.

Vati ovafekelwa ova u fana omulumenhu oo opo e uye eve yambidide kombinga.

Opolifi oya hokolola tai ti omukwashiwana eshi a mona ombelela ihapu ya londekwa motuwa okwa lopotela opolifi fiyo ovafekelwa tava kwatwa po. Ovafekelwa vati inava hangika ve na omikunda edi tadi ulike kutya eengobe odavo.

Vati omukwashiwana umwe e na vafaalama i li mOtjinene eshi auda ouyelele kombinga yombelela ya hangika motuwa okwa dimbulula kutya eengobe daye da vakwatwa mofaalama.

Vati omunafaalama ou okwa tongolola omitwe noikafa yeengobe daye odo da hangwa motuwa yovafekelwa.

Ovafekelwa otava hokola momhangu Etitano notava pangulilwa oshibofa shoumbudi woimuna.

Opolifi oya kunghilila oshiwana opo shi twikile nokuyandja ouyelele kopolifi kombinga yokaalyamupombo tava va ke po oimuna yovanhu. 

fhamalwa@nepc.com.na

 

 

 

 

 

 

 

 

 

 

 

 

 


2022-09-30  Festus Hamalwa

Share on social media