WINDHOEK - Nguuru gomukunda gwaKhomas Laura Mcleod Katjirua kapi ana kara asi muntu gokuhafa nokutanta asi age kapi yina kumuhafesa omu vakansela vamwe ava faura koyigongi yopaveta unene eyi ayikara monomukunda horowero dawo. Mcleod Katjirua kahundilire owo yina gumu vahepa kuyihageka ngesi omu vakara asi aw okapi ava moneka poyilika eyi ayihoroka monomukda horowero dawo, omu ava gava nkenye apa asi aw okapi ava gwana nombapira dokuvazigida koyilika yangoso. Ndi pwarumwe awo kutanta asi kapi vadivako Yuma koyihorokwa yangoso. Age kageve nonakngo odo posiruwo oso kavatungikire vakansela wositata saWindhoek moyirugana yawo momvhura nye ozo tuna tamba 2019, ava nye vana kukakara monomberewa.
Mukurona godoropa Muezee Kazapua simpe kavamutengwidiliremo rwautauno ano kukara mukurona gositata. Kazapua ngesi ogu ana kara munona gwendi kuna kara Loide Kwasha Kaiyamo. Kaiyamo kuna kwama ogu gakere mevango lina Tala Teckla Uwanga, ogu ana kara ngesi asi mokomitiye zegendeso. Owo nye kavahorowere mokomitiye zegendeso kuna kara Moses Shiikwa, Agatha Iyambo Ashilelo, Joel Amathila, Matilde Ukeva ntani Tala Teckla Uwanga. Ashilelo ngesi yige nye ana kara musipundi gokomitiye zegendeso. “ Edi kuna kara nomuga dakahurako nsene asi vakansela kapi vana kumoneka poyilika yawo eyi yina kuhoroka monomukunda dawo makura vaturepo tupu magano gokulisigasiga. Ose kwakara novakansela wokusika ko 25, nye ame kapi navamona navenye vakarepo ndi asi ukahe wawo poyilika nayinye eyi twakara nayo. Twahepa kutjindja efano lyangesi, mukaro gwangesi mudona ntani vatungimo vetu nare vanatameke kutanguna, nkenye silika vana kukara naso yimo ngoso ana kutanta Mcleod Katjirua.
Mcleod simpe kahundilire navenye vakansela wonomukunda ntani wondango zodoropa vakare vantu vana kuruganena kumwe novantu omu navakara asi nkenye siruwo vakare tavagwanekere kumwe novantu ntani kukara poyilika eyi yina kuhoroka monomukunda dawo. Age katente asi nsene mukara novakansela vana kurugana , nsene valituramo asi varuganene nkarapamwe mokuvapa yirugana yopaparu ngwendi mema, rutjeno, yikasayise ntani mambo mokupitira mongendeseso zongwa zakarapo. “ Mokukwama mwange, vakansela vakara asi kurugana hawe vaava vakarerapo vantu vawo, vakara negendeso lyewa, umpitisili wouwa ntani awo kugwanekera unene nonkarapamwe ezi vakarerapo. Yimo ngoso ana kufaturura.