New Era Newspaper

New Era Epaper
Icon Collap
...
Home / Venaani komutumba wounyuni

Venaani komutumba wounyuni

2021-07-12  Festus Hamalwa

Venaani komutumba wounyuni

Omupresidende wongudu yomilameno yoPDM Mchenry Venaani okwa ulikwa opo a ninge oshilyo shoukomeshowiliki mounyuni mokuungaunga noukolele wopamadilaadilo.

Meenghundafana a ninga naKundana Venaani okwa hokolola ta ti okuu dite etumba eshi a pewa oshinakuwanifa shakula opo a ninge oshilyowiliki mounyuni shokuungaunga noukolele wopamadilaadilo. Okwa hokolola ta ti oshiwa unene eshi ta kala ta longo pamwe lovaleli vayooloka vokoilongo ngaashi England, Italy naEgypt omo tava ka kala tava topolafana omayele kombinga ngheene vena oku kwafela ovanhu vena oupyakadi wopamadilaadilo mounyuni. 

Venaani okwa ti ota ka longa noudinini opo akwashipaleke kutya ota eta omalunduluko moNamibia ngeenge tashi ya povanhu vena oudu wopamadilaadilo.

Okwa yelifa ta ti oshilonga eshi ta ka longa otashi ka kwafela ovanhu vahapu vena oupyakadi wopamadilaadilo moshilongo, veendodo dayooloka ngaashi ounona, ovanyasha novakulupe.

“Moshilongo shetu omwa dilikwa muna omwaalu uli pombada unene wovanhu tave li kufa eemwenyo, omo ovanhu vahapu vadidilikwa kutya ove na oupyakadi wopamadilaadilo tau va hepeke neenghono. Onghee mopaife ohandi ka kwafela ovanhu aveshe vena oudu wopamadilaadilo moshilongo ashishe, omo handi ka kala handi talele po oitukulwa aishe handi kala noku ninga oikonga lili kombinga yefima loukolele wopamadilaadilo,” Venaani ta ti.

Venaani okwa ti ota kalalakenena Namibia opo axulife po omalikufomwenyo oo eli dana onghandangala unene moshilongo, yee ta ti ovanyasha ovo unene vapumbwa okukala veli tulamo moshikonga eshi ta ka ninga.

“Oshikonga eshi handi ka ninga otashi ka kala shina nelongo lili yoo kombinga yomahepekafano omomaumbo shaashi okwa didilikwa ovanhu vamwe vena oupyakadi wopamadilaadilo, sho nashi oha shi eta opo ovanhu va kale tava dipayafana ile tava ningile ounona ominyonena shaashi omunhu oha kala ta hepekwa koudu wopamadilaadilo. Onghee ondina elalakano pefimbo loshinakuwanifa shange onga oshilyowiliki mounyuni shokuungaunga oukolele wopamadilaadilo kovanhu,” Veenani ta ti.

Venaani okwa ti ota kala eli ongo oshilyowiliki oule weedula nhatu, nota ka tameka momwedi ou Juli.

Okwa ta ti ovanhu nava kale velitulamo pefimbo ta ka kala ta ningi oshikonga youkolele wopamadilaadilo.

Venaani okwa ti oshiwana shi kale tashi topolafana omayele taa tunga ngheene ovanhu vena oupyakadi wopamadilaadilo vapumbwa okukwafelwa.

Okwa kunghulila oshiwana opo shi kale tashi liufa komilandu doCovid-19 efimbo keshe.

“Natu kale tu hole ovanhu vetu ava vena oudu wopamadilaadilo, onghee ina tu pumbwa okukala atu va ningi nai,” Vanaani ta ti.


2021-07-12  Festus Hamalwa

Share on social media