Windoko - Yomuñwi kubabalalu babanyazwa kakubata kuputelela kampani ya lifulai ya Air Namibia, Marx Felali Mahoto, utimezi. Muzekisi wa muuso Fillemon Nyau napatuluzi. Mahoto natamilwe hamoho ni Penna Munyunda walilimo ze 31, ni Tangi Amon Namwandi, walilimo ze 33, kalikakalezo zakuli nebabata ku uzwa mali afitelela lule kwa kampani ya Air Namibia. Kukulubelwa kuli kushimbululwa kwamali neku nyatezwi kuli kulifiwe ki kampani zebona za lifulai, bapanka habato amuhela likupo zakuli mali aiswe mwalibukelo zisili kwanda za kampani yebona zalifulai mwa Namibia. Bazekisi nebalimba Mahoto mulatu wabuputeleli kamulelo wabusholi bwa mali afita fa N$760 000; mulatu wabuputeleli kuamana nikuleka muyaho, kuitusisa bupumi bwakuloba mulao mwamali afita fa N$760 000.

Munyunda utalimani ni mulatu wa buputeleli hala mali afitelela lule, buputeleli nikubata ku uzwa mali afita fa N$760: milatu ye mibeli wakuloba mulao kabupumi bwakubata kuleka muyaho, mwataba yamali afitelela lule, ni mulatu wakusebelisa bupumi. Munyuda ni Namwandi neba bonahalile mwa Khuta ya Sikiliti mwa Windoko viki yefelile, kuyo kalisa muzeko wabona. Kono muzeko nosikazwelapili kakuli nebatile basina bayemeli. Muatuli yomunyinyani Ileni Velikoshi naisize taba la 15 Njimwana kuli bafumane bayemeli, mi Munyunda ni Namwandi nebalumelezwi kuzwelapili kupikela tolongo kwande.