• November 12th, 2019

Werengendje kapi zasikisamo muzangu gomuwa namuvho


Rundu– Elikwamo eli vaturapo lyokutara asi ngano ngapi vanandima navalituramo mokuzangura nombuto momukunda gwaKavango zoupumezuva namuvho kapi yina vatompoka, kuna zangura muzangu gwahana udumba. Eyi kuna wizirepo morwa mvhura zonsesu ezi tuna gwana elima eli, mosirongo nasinye. Nampili ngomu yina kara asi kapi tuna gwana mo Yuma nye gumwe kuvhura oyitare asi melikwamo lyokupurwira ose mvhura ezi kuna rugana nawa mo 2018/19 yimo ngoso ana kutanta nguuru gomukunda Kavango zoutokero ndokotora Samuel Mbambo posiruwo oso kageve sihuyungwa sendi somukunda nganguuru melima 2019. 

Mokupira nye kuyihafera, mukunda namumvho kapi guna zangura Yuma, morwa mukaro nye gepeparu ogu tuna kumona asi kuna litjindji momunene. Mokupitira nye melikwamo lya Operation Werengendje, age kakere ana hafa mokutanta asi eyi varugana hawe kwavatera elikwamo eli gatulisapo Presidente lyaHarambee lyautatu mokuretesapo asi nayinye eyi vana kuhunga yahepa kuza moyirugana. Eyi yaretesapo Werengendje ano tolimburura asi Harambee yimo ngoso ana kutanta. Mokutura nye asi elikwamo eli werengendje lirugane, mberewa zanguuru kwatulisirepo elikwamo lyokudingura monda zosirongo ntani kovamusinda vetu. Edinguro nye monda zaNamibia kwaretapo etumburo nye eli werengendje omu twagwana nye yiruganeso yipo tuyature elikwamo eli mouta wakora. Edinguro kovamusinda wosirongo saSuid Afrika -ko eastern Cape Province mvhura zina puko ose twakalirongeramo omu naturugana unene, noudivi nokuruganena kumwe moruha ronondima ntani asi ngapi omu nomugwana marandesero ndi asi upungwiro nomunomuyitugana dogoro yiwape yipire kuzonauka.


John Muyamba
2019-06-27 09:52:27 | 4 months ago

Be the first to post a comment...

You might also like...