Presidente Hage Geingob, nkera kanyokere kumutwara melikwamo eli lina kara asi vatungeko emuzugo lyemunene, omu navagwaneka navenye wombongarero zanavenye, nzogera ezi zina kara kuna kupura nomiliyuna N$700.
Nye Presidente age katente asi oyo yikare yavene wombongarero zanavenye kapi nampo yikare nye yaPresidente. Eyi kayilimbwilire mokuzegurura mbongarero zanavenye ezi kazipaturukire nkera kavatulilire monotende morwa kupira evango elio navagwaneka navenye. Geingob karugwilire mbudi ezi, asi cabinet kapi tavazitura zikare asi yizo nazitokora nye yahepa kukara yavene vatulisipo noveta. Mokukwama nongendeseso, nkenye ruha rwakara nongendeseso nomarwameno gavene, eyi yina kara asi kuna kumoneka nawa, yipo asi kuna kugava uwa naunye melikwamo lyetu lyoudemokoli. Mokutura nye nayinye poruzera, Cabinet kapi tazilihamesere mongendeseso zangesi, yimo hena asi vatulisipo noveta nawo kapi tavalihamesere melikwamo lyoCabinet lyankenye ezuva, omu vana kugendesa nomberewa dawo noyirugana, ndi asi vapanguli nawo ngosikwawo. Geingob katente asi age kuna kugwana nombudi asi ngano yige natulisapo elikwamo lina kutanta asi vatunge nzugo zonene ezi navaliyongera wombongarero zanavenye.
Age katente kuna kugwana nombudi dimwe hena edi dina kutanta asi ngano ahagekesepo elikwamo eli lyokutunga mbongarero zanavenye,nye age katente asi nombudi nadinye edi vahepa kudigava komuuyungilipo mbongarero zanavenyekapisi kwaPresidente, nokuhundira asi vana veta vene ndi asi vatulisipo noveta vahepa kutulisapo elikwamo omu navazogera udigu ou. Nye Presidente simpe yiyo katanterere muhoko asi epangero kuna lituramo mokudika matungo gepangeroeyi yina kara asi simwe sina tumbukire epangero. Yipo nye asi nkenye apa yimaliva yetu yoyinzi kuza kerongo ntani koukanguki. Ose kuna kutunga makuma aga gana wapere vantu nokukandurapo makuye asi epangero lina mbangurota asi nombudi dngesi kapisi usili. Mukaro gwetu paeparu ngesi kuna wapa, yimo ana kutanta ngoso Presidente Geingob. Ano vene wombongarero zanavenye kuvazuvha nkera omu vana kuuyunga asi hawe upyu yina wapere vakare nemunzugo lina kukwateramo vantu navenye kapisi monotende. Kapi ono kuyimona Cabinet, Vapanguli novatulisipo noveta motende?Yimo ana kupura ngoso Tjekero Tweya Ministera gomapukururo konyima tupu zosihorokwa, omu age ana kuyimona asi yina waperer kutungako nzugo zonene. Muuuyungilipo nye mbongarero zanavenye Peter Katjavivi nage kayinkondopekere asi mulyo unene kutungako emunzugo lina gwanene.
ELIKWAMO NYE LYOKUSIKA PRESIDENTE
Presidente Geingob, kutunda kembo lyepangero, omu kagendere nomugolikadi gwedi Monica Geingos kavayasikire pevango lyombongarero zanavenye novaPorosi ntani vana sure nye vana sikama momukweyo vamutambure. Tupu nye kayasikire hawe age yipo kazire nye akatare asi ngapi omu vanafuura vakwayita novaporosi. Ava kavakere asi momutenya siruwo nasinye, mokurugana eyi yavatumbukira komeho nye akaze motende omu kakauuyungisire yilyo yombonagrero zanavenye. Komeho auuyungise mbonagrero zanavenye, Presidente tanko kapandwire vapresidente wokuhova kwendi ndi vauuyungilipo mbongarero zanavenye vanare kwayi varugene posiruwo sawo. Geingob simpe katente asi tuna kara neekonomi lina wapa eli natutukira kulikangangangera, omu vana tutura pontambo zokuzeruka. Age katente asi simpe ngakazamo momunene apa ngaka uuyungisa muhoko mombongarero zanavenye.Age katente asi egano eli gaturapo lyoHarambee, ngalikaza moyirugana ezuva olyo. Poopo ana kuresa mbudi zendi kazikere nomapenuno murongo, Geingob kahundilire vatulisipo noveta vatulire ntere nomukaro dawo dopa umwene ntani egano nye lina lyokugazara asi ugwane uwa pwamwene.
Twahepa kugazara vantu vetu. Twahepa kugazara vantu vetu woruhepo yipoi asi turuganeneni kumwe ngovantu vamwe nomuzo gumwe. Ngamoomu epangero kulitwara kompanguro nkenye siruwo, morwa malikwamo gokugava yirugana omu president ana kuyimona asi twahepa kuyukisa malikwamo gangesi. Twahepa kukara nelikwamo lina kuretesapo iudemokoli wetu ukore, yipo tuhoreko eyi yokuligamba gamba ntani kuligazarera. Sihonena, ngendeseso zomahoroworo getu zahepa kuwapa, yipo asi nkenye ava vana kuzumbanesa vahepa kupura asi hawe nose nyamwetu tuna yimono tunazumbanesa. Eyi yiyo nye lina kugazara epangero asi nkenye eyi tuna kurugana yiwape nampili kugava yirugana. Morwa mukaro nye gwangoso ose yiyo twahagekesa ngendeseso morwa masivano tuna kugwana. Presidente ngesi nage kuna mutamba mpanguro norwa kuhagekesapo yirugana eyi vagwene va NAMPOWER 250MW ezi vageve ko Xaris Energy vagwene momakondjoro gawo.