ONGULA YaNetanga-Vezimo lyanakufa mubisofi gongereka zaAngelikana gedina James Hamupanda Kauluma kavahere kudiva asi ngendeseso ngapi zakara muntu vaka muture asi ependa nokukamuvhumbika kembo lina ava vhumbike mapenda.Epuro kalipulire mumbya nakufa Peter Kauluma.Age kauyungire kukwateramo vekoro lyanakufa ava kava kere pehoreko mosikondovike esi kasipwire,Kauluma kapulire epuro eli kovantu ava kevapongerepo omu kapa kere presidente gosirongo Hifikepunye Pohamba,nkuru ministera Nahas Angula,dokotora Nickey Iyambo ministera gonondima,mema nekungo nsintwe, hamutjanga gombunga zovakurupe woSWAPO Kanana Hishoono novanapoltika wokusiga-siga vanangereka nonompitisili dopampo. Ame nina kara nepuro eli lina hepa elimbururo posiruwo seesi.Epuro lyange kuna kara asi muntu musinke gokuvhura kukamuvhumbika komayendo gomapenda?Yinke varugana ava ava vhumbike komayendogena eyi gapira kurugana mubisofi Kauluma?Ame nazuvha asi nompitisili donongereka dimwe nare vadivhumbika komayendo gena.Yinke mpamwe vatere eyi yaninkisa asi vantu owo vakavavhumbike komayendo gena? Mokukwama mwendi ogu ana kara asi foromani gorudi oru vana kutumbura asi Ongula yaNetanga ntani hena munasipundi gegendeso lyorudi rovandonga,age kapi kayimuhafesere omu vamwe ava vayengeke nonombya depangero nomavango gamwe nye neina mumbyendi vayamuvhumbike ngesi. Vauyungi navenye ava kavauyngire kavapandadekere nakufa asi ependa rambangako presidente Pohamba nage kamutjangwilire asi muholi zendi gomunene siruwo sina sakere sosidigu sokukondjera sirongo simanguruke.Pohamba kagwedereko asi awo ngava ruganesa edina eli lyakere asi vankore vawo vahalidive ngavatumbura asi Elyenge,kutanta asi uketanga apa ngava rugana yininke yaSWAPO mokahorehore moNamibia.Mbudi zoruguwo zapresidente goSWAPO dokotora Sam Nujoma nazokazitjangwilire nakufa mubisofi asi age gumwe ogu ana sigi edidiliko ogu gageve eparu lyendi nalinye moukriste,noupenda pausili.Apa kalimbwilire kepuro olyo presidente Pohamba katente asi hawe, udigu tuna kara nawo ngwendi mema tupu gana kara montopa,kapi katwikilire komeho.Mubisofi ogu kadogorokere momazuva 16 gaKudumogona konyima tupu apa gavera uvera wokanker siruwo sosire. Age kwaparuka namukadendi Sally,vanona vavali Nangado naNangula novatekuru vawo vavali.Age kava muvhumbikire kevango lyawo koOngula yaNetanga,eyi kavatjangwilire asi simwe somasimwititi meparu lyovantu ava momukunda gwawo moOhangwena.Age kavamuvhumbikire nosiparatjangwa asi:kuna rwana erwano lyewa,eyi wakwaterera nouyerere nomagano gomawa.Ehoreko eli kava kerepo vantu wokulisiga-siga nomptisilidopa upolitika nonompitisili donongereka dokulisiga-siga.