2021ǁÎ ge a tsoatsoa-ūhe ǁgamǁaredi khao!gâs ge Daogu ǂGaes !Khōdanasa (RFA) ǂoa ge wekheb !nâ ge ǂanǂan, ǁguisa ǂhanub ge ǁkhawa a kō!gâhe tsîn hoa māǂoa hâ lesensidi surudegu, !nona kurin xa !nāsa kuriga māǂoa hâna nî xoaǁnâhe !khaisa. Nēs ge ra ǂâibasen N$371 miljuns hoa ǀoro surudegu ǀhaob ais dis nî xoaǁnâhe tsîn !aruǀî auton ǀhonkhoena mātare tidesa. Nēs xōǀkhās ge N$245 miljuns interest-i dis tsîna nî xoaǁnâhe tsîn ge !nari-aona !uru surudeb ǀguiba nî mātare.

Nē a ǀkharaǀkharasa ǂhanub !nakan ge auton ǀhonkhoena aibe ǂganamsensa dī tama hâ nē marisa xoaǁnâhes !aroma, nēs nî ǀnai sistems !nâ dī-ūnuhe amaga. Nē dīǀgaub ge texnise aib tsî administarasis ai ǀgui hâ tama hâ, xawe ǀhûhâsigu tsî sâuǁkhāsib !nâs tsîna ǀkharaǀkharasiba hā-ūsa. Nēsa dīs ǀkhas ge RFAsa ra ǂan!gâ, ǂauna Namibiaǁîn !gom mâsigu !nâ hâsa tsî nē ǀgaub !nâ-ū a ǀomǂnûi ǁkhā !khaisa, nau ǀkhāb ain ǁnān hîa ǁkhāsib !nâ hâna ra ǂgaoǂgao!nâhe ǁîn mātarede dīǀgarasa hîa.

Auton ǀhonkhoen hîa !nona kurigu xa a ǀoro surudeb ǀkha ǂnôan tsîn ge !ēsa ra māhe, ǁnâuguba dī tsî marisa mātareǁnâsa. Hāǀaro ra mâǂoa hâ surudegu ai marisa ǀaribahes ǂnamipe ib ge Dana Sîsenǂuira Mâisaba (CEO), RFAs di ǀawemā!nans mā-ams ǀkha N$1 miljuns kōse hâ mâǂoa hâ surudegu ai hāaro ra marisa ūbē ǁkhā. Hanas hāǀaro ra marisa N$1 miljuns xa nî !nāsas ka, os ge ǂganamsensa ministeri beros ǁga nî dīhe, nē mā-amsa nî dīse.

Nēpa hâs ge, hoa ǂganamsendi noxopa RFAs !nâ-ū nî dīhesa, ǁîs !ereams marina kuru tsî hâ-a marisa !ûi!gâs !ereamsa tani hâ, ǁîsa xus nî Namibiab !hū!nāsi daoga kō tsî !gâi sîsenūs mâsib !nâ ūǀgaras disa xui-ao. ǂGanamsens ge a mario!nâ tsî aibe hoa ǂgaokhādi ais ra dīǀoaǀoasa nî kō!kharu!nâhe, RFAs di Lesensidi Maris ai hâ Hāǀaro ra maris tsî ǂnauǁgâdi ǂGanamsens Komites xa tsî ǁnāpa xu ǀgui Dana Sîsenǂuira Mâisab tawa sī tsî ǀunis ai ǀawemā!nans xa nî !khō!gâhese.