Auleria Wakudumo
Omukeeleli womaliko, omulumenhu weedula 49 okwa vakwa ondjebo yaye pefimbo a li mokati keemhofi.
Oshiningwanima osha ningilwa pofitola hai ifanwa Mykanos Bar and Mini Market mOngwediva, sha ningwa Olomakaya keengulasha lwopo 03h00.
Edi oda kolekwa komupopiliko wopolifi Deputy Commissioner Kauna Shikwambi.
Otaku hokololwa omulumenhu ou ha longele ehangano loBertha Security Services.
Omukeleli womaliko okwa hangika vati a tuminwa poMykanos opo a longele pefimbo loshiningwanima.
Vati omulumenhu okwa kofa eshi odula tai loko nomokupenduka ondjebo yaye oya vakwa po.
Okwa patululilwa oshibofa shokukwata ondjebo yaye nouhefi.