“Ngele owa kala wuna omayipulo ogendji, pehala lyoku itsa omukumo, oto iteya po ngoye mwene. Thikama eto taa mbako ayihe wa pewa”.
Ndjoka olyo ekumagudho omulongisikola payithano oshowo omugandji gwomayele moshigwana Rachel Shatilwe ngoka ta lwitha omukithi gwokaankera.
Shatilwe okwa tseyika nawa molwa molwa elalaka lya tokoka nomayele geshi okupwiikinwa haga kala ethimbo limwe geli molupe lwiiyolitha, thimbo limwe okambweenga, heshi ningo oku pitila muuvideo mboka ha gu itaamba thanwa komalungula. Omukiintu nguka olwindji oha kumagidha kumagidha oshigwana shi tambuleko onkalamwenyo ngashi yili, sho shiputuke. Ashike oyendji ngele taya pulakene omukiintu nguka omugundjuka ha i thana ye mwene kutye oye “Shihenamavele shaMeme,” a yambukile momukunda Omakango mEndola moshitopolwa shaHangwena, itaya itaale kutya oku na uudhigu gwomukithi gwo kaankera ngoka hagu tilika koyendji.
“Egundji lyandje lyokolulyo olya tetwako omolwa omukithi gwokankela. Oyendji ngele oya tumbulilwa omukithi gwo kankela ohaya mbandandapala, ye wete nale ya fa ya tala ombila, ihe hasho.
Yina yaanona yeli yatatu, okwa ti, oshali oshidhigu oku taamba ko kutya okuna omukithi gwokankela esiku lyotango, ashike okwa ti ayihe okweyi tula miikaha yaKalunga.
Ta ti, ota okwa itala kutya, okuna oonkondo oshoka oha vulu oku ihungu omwenyo ye mwene. Ta ti, ke na nando uupyakadhi nomayipula gasha, nethimbo limwe oha dhimbwa kutya okuna omukithi gokankela oshoka okwe gutambula ko. Shatilwe okwati, okwa itaala kutya omukithi kehe, ohagu aluka sha ikolelela ku nkene togu ihumbatele. Ta ti ngele owa tambulako kutya ouna omukithi gwontumba, eto itaala kutya kuna we shoka to vulu oku ninga po, oshidhigu wu aluke.
Aantu oyendji ye na omiikithi dha yooloka omanga inaya kwatwa kuuwehame, ohaya kwa twa kuumbanda oshoka ohashi ya etele yankundipaleke madhiladhila gawo, no mayipulapulo. Ta kumagidha ta ti, oshigwana nashi ilonge oku taa mbako ashihe tashi ya miipala yawo, na shikale shi na omukumo kutya esindano, olyaa ngoka e na omukumo oshowo ononkondo, ye itaa sholola. Shatilwe ngoka a tseyika nawa omolwa omapukululo oshowo omayele ngoka ha gandja muuvidio, oku pitila komalungula, okwati omuntu kehe na kale e na omukumo, eitaalo oshowo oonkondo dhoko mwenyo opo a sinde kehe shoka tashi ya komeho nenge mondjila ye ethimbo kehe.
“Elalakano lyandje lyokugandja omayele komalungula, onda mono kutya oshigwana otashi vulu oku pukuluka nenge otashi u vuko ashike uuna tashi pukululwa okupitila mwaa shoka shi hole, ngashi naa na okupitila koFacebook oshowo koWhatsapp,” Shatilwe ta ti ngaaka. Ta hokolola ta ti, omayele ogendji ngoka ha gandja, oga ikolelela komapuko ngoka ha mono taga ningwa momukokomoko gwesiku, nenge epuko lya ningwa komuntu eli naye. Ta ti, ngele owa mono epuko tali ningwa kwaa ngoka eli popepi na ngoye, natango ope na oyendji taya ningi oshinima sha faathana naashoka. Pe hala wu pukulule ngoka eli pu ngoye oye a wike, oheshi ngongomo ashike e teshi tula komalungula, onga ta pukulula oshigwana ashihe.
Ta ti okwa mono kutya omayele ogendji ha gandja ohaga pukulula oyendji, na shoka okweshi mono sha landula omapandula ha pewa komalungula, kutya oye omupukulilo omwanawa.