Uuministeli womidhingoloko, iihwa nomatalelopo owa li wa kumagidha oshigwana shi kuthe ombinga mesiku lyokwoopaleka muuyuni, ndyoka hali dhimbulukwa omumvo kehe. 

Namibia okwa dhimbulukwa esiku ndyoka hali dhimbulukiwa muuyuni awuhe momasiku 20 gaSepetemba nuumvo, kohi yoshipalanyolo; Namibia lya yela okukwatela po uundjolowele. 

Omupresidente gwoshilongo kwa li nakusa Hage Geingob, momumvo 2018 okwa li a popi kutya Namibia ota kala ha kutha ombinga mookopaleka omumvo kehe. Sha ikolelela komushangwa gwa pitithwa kuuministeli womidhingoloko iihwa nomatalelopo Namibia okwa kala ta kutha ombinga mowkoopaleka okuza mo2018, nota tsikile okukutha ombinga. 

“Uministeli owa hala okwoopaleka ku tsikile sigo aluhe, opo Aanamibia ya kwatwe kombepo yuuyogoki, osho wo ya kaleke oshilongo shika sha yela, kaashi kale ehala lyoongaga,’’ wa fatulula ngaaka. 

Onkene owa kumagidha kehe Omunamibia a tsikile mokwoopaleka oshilongo shika shi kale sha yela. 

Owa gwedha po kutya esiku ndyoka nali kale lya simanekwa kukehe gumwe sigo aluhe lyo nali kale oshiholelwa sha kehe siku. “Oshiindingili oshinene osha dhimbulukilwa koNkurenkuru, mekwatelo komeho lyuuminista womidhingoloko, iihwa nomatalelopo,’’ ya ti ngaaka. 

Oomwedhi dha zi ko, ondoolopa yaShakati okwa li ya opalekwa okupitila melelo lyondoolopa yaShakati. 

Aakalimo okwa li ya tsakanene mengathithi enene pomahala ga yooloka mOshakati. 

-vkaapanda@nepc.com.na