Ondangwa- Ntoni zovaporosi Joseph Shikongo kahundilire varongi ndi vadeuli wovaporosi vatare asi vacadet wovaporosi vahepa kuvadeura momunene yipo vakare nomarutu gana wapa omu vana kara asi vana wapere mokukara vaporosi nawa nawa. ‘’ Ose kuna kara nositumbukira sosinene sokuwapukurura maparu govantu, vakare mouporosi.
Yipo nye asi nkenye eyi muna kurugana yahepa kuvapisura ano ose twahepa kugava sihonena. Yimo ana kutanta. Age kageve nonkango edi posilika omu kamukwatereremo komisara gwaOshana Naftal Sakaria posiruwo sokutura paveta elikwamo lyedeuro vaporosi poRubben Danger Ashipala moOndangwa.
Shikongo katente asi silika sangesi sina kara mulyo unene omu tuna kudeura vacadet wokusika ko 1061 omu vana kara asi vagara 666 ano vakadi kuna kara nye 395, omu vana lituramo asi vahepa vana kupopera mpora, uwa ntani eruganeno lyewa. Ntani nahepa kuyizeresa asi kozili hena edeuro lina kara lyokulifana ngwendi lyeeli nye alyo kuna kara koPius Joseph Kaundu evango lyovaporosi eli lyakara moOmaheke ntani lyaSimon Mutumba Mutumba lyakara moZambezi, mokuvapakerera navenye kuna kara nye wokusika ko 2004 cadet momavango gatatu aga gokudewira.
‘’ Ame kuna kumuhundira asi mwahepa kutakamesa edeuro eli dogoro poopo ngomukamana, yimo ana kutanta Shikongo. Ntoni govaporosi katente asi yirugana youporosi kapisi asi kutura veta mosirugana tupu. Nye kuna kara asi mwahepa kutulisapo eruganeno kumwe ntani kutulisapo asi nkarapamwe zimuhuguvare. ‘’ One nye ngomu kakara asi vaporosi wokomeho oko, mwahepa kukatulisapo ukumwe pokatji kovaporosi nombunga nazinye. Mukaro goge naguninkisa eyi ava gazara vantu asi vaporosi kapisi nawa makura mwahepa kukarugana momuwa nokufumadeka vantu nokurugana moomu yawapera. Nokutanta asi mukaro gwahepa kuwapa posiruwo sedeuro ntani konyima zokumana edeuro. Kuna karapo hena asi eyi yiyo yimwe natuvhura kutara pedeuron eli.
‘’ Yipo nye asi ame kuna kumuhundira asi mwahepa kusikisamo eyi vana kumuronga nokukwama noveta nadinye dakara mouporosi, yimo ana kugwedako ngoso. Shikongo katente asi oyo yina kara komeho kuna kara asi yahepa kuwapukurura muntu parutu ntani pauruwi.
‘’ Mwahepa kul i ronga omu namukagusapo maudigu gokulisiga siga, omu nomukatura matokoro gomadigu, ntani nokutara asi veta zize mosirugana monaruwa ntani nomukaro gomuwa’’ yimo ana kutanta. Edeuro eli talikarako makwedi ntane omu makwedi ntambali gokutara monobuke nokutara pauruwi.
Ano aga nhye gavali gokudingura mavango govaporosi sirongo nasinye. posiruwo nye esi sedeuro cadet constable vahepa kuvawapayika vakara nomarutu gana wapa, nokuvaronga magano omu norugana ntani kuzuvha asi yinke zakarerapo zene ezi Namibia Police. Nkenye nye ezuva eli lyedeuro kulirongamo yoyipe omu
nodiva nye yina kuhoroka ntani nomu nye nokara asi kuvhura kusikisamo eyi vana pumbwa vaNamibia nomukaro gwahana divilisa, valituremo nokufumadeka. Yimo ana kutanta Shikongo.
-fhamalwa@nepc.com.na