Auleria Wakudumo

Ouministeli wehongo, eenghulunghedi, omaungoba, ovanyasha nomaudano owa kunghilila oshiwana opo shi kotokele eefikola dopaumwene osho yo omahongo omomaumbo unene moshitukulwa shErongo. 

Omukulunhuwiliki mouministeli Mbumba Haitengela okwa holola kutya ouministeli owa didilika omwaalu muhapu weefikola dopaumwene nomahangano oo vati haa yandje eetundi domomaumbo. 

“Ouministeli wehongo otau shivifile oshiwana kutya ehongo lomomaumbo olo hali ifanwa oHome-schooling Association of Namibia (HSAN) inali shangifwa na inali pitikwa kouministeli moNamibia,” Haitengela ta holola ngaho. 

Haitengula okwa fatulula kutya okatendo koBasic Education ka3 ko2020 oko ashike ka pitika nokuyandja eenghono kouministeli wehongo oo auke u dule okupitika ehongo moNamibia, mwa kwatelwa okupitika eefikola dopaumwene oshoyo okupitika nokutalela ehongo lomomaumbo nokuamena oufemba wovahongwa. Omukulunhuwiliki okwa kwashilipaleka kutya olutu lokupitika eefikola domomaumbo noNamibia kali na eenghono dokupitika, okutalela, okushangifa ile li yandje omayele keefikola dopaumwene moNamibia. “Onghene keshe ehangano ile oohandimwe ovo tava kengelele oshiwana kutya ohava yandje ehongo lopaumwene momaumbo, otave shi ningi shi hali papitiko louministeli. Oshiwana otashi indilwa opo shiha ninge oihakanwa yomukalo wa tya ngaha,” omukulunhuwiliki ta kunghilile. 

Ouministeli wehongo otau ndungike oshiwana kutya ehongo lomomaumbo lili mondjila sheli kolelela kouministeli wehongo oleli ashike hali yandja momaumbo kovakulunhu novafilishisho vounona ile omuhongi a kongwa kovadali vounona a kale ta yandje ehongo la wedwa po konima yeetundi. 

Omuhongi ta yandje ehongo la wedwa po naye na kale ta landula omilandu, omifindahongo neesyllabi douministeli odo dili pondodo yomuhongwa. Ehongo lanafangwa hano oBasic Education ititatu yo2020 oya fatulula kutya eefikola dopaumwene odedi da shangifwa koohandimwe, tadi landula omilandu douminsteli wehongo ngaashi okatendo 76 taka ti. 

Ouministeli owa holola kutya ovadali ovo va hala okushangifa ounona vavo va kale hava mono ehongo momaumbo nava ka tule mo eindilo kombelewa youministeli yoovene opo va dule okupewa epitikilo. Ovadali otava indilwa yoo va ye kombelewa kwoovene opo va dule okumona ouyelele uli mondjila nghene vena okushi endifa. 

Ovadali otava indilwa vaha dimene okufuta oohandimwe ile omahangano oo taa kengelele ovanhu kutya okwa shangifwa kouministeli wehongo opo vati va yandje ehongo lomomaumbo. Otava indilwa yoo va kwashilipaleke kutya eefikola dopaumwene odo tava twala ovana oda shangifwa nokupitikwa kouministeli. 

-wakudumoauleria@gmail.com