Aakadhona omulongo ye shi pondola okukutha ombinga methigathano lyokakandhona dhingi Okanamibia oya talele po ombala yomukwaniilwa gwOndonga oshiwike sha zi ko, sho kwa li wo kwa dhimbulukwa esiku lyokanona Okaafrica. 

Aakadhona mboka esiku ndyoka oya li ya kundu omukwaniilwa Fillemon Shuumbwa Nangolo taya kookaya ongesimaneko lyomukwaanilwa osho wo omuthigululwakalo. 

Aakuthimbinga methigathano lyokakadhona dhingi Okanamibia mboka taya ende noshilongo okwiiulika koshigwana, oya talele po omunyekadhi Aldeheid Nangolo ngoka oye a hogololwa a kale kuume nomukomeho gokakadhona dhingi Okanamibia 2025. 

“Ngoka ta ka sindana esiku ndyoka otatu ke mu pa omagano gongombe okuza melelo lyomuthigululwakalo gOndonga ongolupandu,” Omukwaniilwa ta ti ngaaka. 

Okwa gwedha ko wo kutya otaya yambidhidha noshimaiwa N$30 000 okulongekidha oshiindingilo shoka oshinene. 

Okwa ind ile wo aanangeshefa osho wo oshigwana shi yambidhidhe oshiindingili shika opo shi longekidhwe nawa. 

Omunenyekadhi okwa li ulikile aakodhona mboka mOmbala osho wo iinyangandhalwa ya yooloka. 

“Moshiwambo ohatu tsu, ohatu longo mepya osho wo okuteleka niikwawo oyindji. Ongomukulukadhi gwegumbo, ayihe mbyoka owu na okukala we yi kwatela komeho,’’ ta ti ngaaka. 

Omunyekandhi okwa fatulula esimano lyomuthigululwakalo wo. 

Omukuluntu nomukwatelikomeho gwokakadhona dhingi Okanamibia Umbi Karuaihe-Upi okwa pandula omunyekadhi sho e ya taamba ko noku ya fatululila esimano lyomuthigululwakalo. 

Ta ti, okukala kuume nomukwateli komeho gwokakadhona dhingi Okanamibia nuumvo okwa gwedha ko ongushu koshiindingili shawo shoka taya longekidha, noye na omukumo kutya ayihe otayi ende nawa. Ethigathano lyokakadhona dhingi Okanamibia nuumvo otali ka ningilwa kOngwediva moshitopolwa shaShana momasiku 18 sigo 19 gaJuli. 

Ngoloneya gwoshitopolwa shaShana Elia Irimari okwa hiya oshigwana opo shi ka tale okakadhona dhingi Okanamibia. 

“Oshiindingili shika otashi ka kala oshinene oshoka otashi kala oshikando shotango tashi ningilwa konooli, onkene otandi hiya oshigwana shi holoke mengathithi,’’ ta hiya ngaaka. 

Irimari okwa pandula wo sho oshitopolwa shaShana sha hogololwa mo miitopolwa ayihe, ta ti ndjika otayi ka kala wo ompito ombwaanawa kaakal imo osho wo aanageshefa moshitopolwa. 

-vkaapanda@nepc.com.na