WINDOKO – Yomuhulu wa Sipokola sa Naha Sebastian Ndeitunga uketile Elizabeth Sibolile kuba yomuhulu wa sipokola mwa sikiliti sa Ohangwena, kuyola Simeon Shindingwe yana pumuzi famusebezi kwamafelo akweli ya Kandao. Sibolile uhulisizwe kutiswa famayemo amuzamaisi.
Sibolile uba musali wa bulalu kuketiwa muzamaisi wa sipokola mwa naha, mi hape umwa sikwata sa bazamaisi babahulu ba sipokola mwa naha. “Kuketwa kwa muzamaisi Sibolile kusupeza tisezo yeo yomuhulu wa sipokola sa naha wakutiseza ni kuhulisa mayemo abasali mwa sipokola,” nekubulezi sibuabui wa sipokola Kauna Shikwambi.
Pili asika ketwa kale Sibolile naetelezi mutayi otalima musebelezo wa sipokola, milelo ni zwelopili kwa ofesi yetuna ya sipokola sa naha.
Nakile akena mwasipokola la 10 Sikulu 1990. Shikwambi naize sibolile nasebelize mwamisebezi yebalwa mwa sipokola. Shindinge yapumuzi famusebezi nakeni mwasipokola la 9 Kandao 1990 mi nasebelize mwalitulo zeshelashelana mwa sipokola, kungelela cwalo ni buetapili bwa likiliti za Omaheke, Omusati ni Ohangwena.
“Yomuhulu wa sipokola sa naha, kamaiso kaufela ni sipokola kaufela sa ikumusa hala tisezo ya muzamaisi Shindinge, kamaiso sakata ni cisezo yana bonisize mwalilimo zana belekile mwa sipokola, mi kacwale upumula ni tompo ni likute,” nekubulezi Shikwambi.