Mulisa Simiyasa
Otjiwarongo-mbunga zokugendesa mahoroworo moNamibia ndi asi ECN, moutano kaupwire kwayinkondopeke asi simbapira sokuhorowesa soupresidente kasizumbanene pevango lyokuhorowera modoropa zaOtjiwarongo. Sihorokwa sangesi kasiyakere vanayasidimburura moune posiruwo nye oso kavatamekere ngano vavarure mazwi gokuhova goupresidente ntani mbongarero zanavenye apa nye kakakere mahoroworo moutatu una puko.
Mukurona kakerepo pevango olyo lyopo Cornerstone Church morukanda rwaDRC evango lyokutunga, Elifas Ndipulalye momapuragero kumwe naNampa, moutano katente asi age kuna kara novantu wokusika kontambali vana kurugana komahoroworo ntani vatatu wokiukarerapo nombunga politika dawo, ngwendi LPM, SWAPO ntani IPC.
Nampili ngomu kavatuliremo nonkambadaro, dovagendesi mahoroworo ntani vakarelipo nombunga politika dawo, yimbapira eyi yokuhorowesa kapi kavayigwene. Awo kavayayidimbwilire moune kongurangura posiruwo apa vana kuyivarura. ‘’ Evarururomo moune kavayirugene oyo, pevango lyoolyo lyokuhorowera, nye kapi kavayigwene, dogoro tavavaruramo hena rwautatumoOtjiwarongo pevango nye kalikere lyokureta mazwi nagenye gomoOtjozondjupa posure vana kutumbura asi Vooruit primary nye kwato eyi kavagwene kayilifene yeeyi tupu kavagwene pevango lyokuhorowera.
Yimo ana kutanta Ndipilalye. Age katente asi poCornerstone church vantu wokusika ko 622 yiwo kavahorowere moyimbangu youpresidente, ano mazwi 13 kagakere gokuzonauka.
Kombongarero zanavenye vantu wokusika ko 496 kavahorowere, ano ava 13 gokuzonauka hena. Murugani gwaECN moOtjiwarongo Charlotte Jantze, ogu kakere nage opo kavavarwire rwautatu, pevango lyokuhorowera, katente asi yimbapira yangesi nampo kapi kavayitulire mosimbangu yawapera.
‘’ Muhorowoli kuvhura kazire nayo kembo lyendi ,’’ yimo ana kutanta Jantze. Nye nampili ngoso yombongarero zanavenye hawe ayo yiwaawa, yimo ana kutanta.
Mokuhetakanesa yimbapira yokuhorowesa momahoroworo aga goupresidente ntani mbongareo zanavenye simpe kagakere mavango gana zeguruka moutano kositenguko vantu simpe kuna kuhorowora.
-Nampa