Elavi–Evango lyoku wapukurura mema vaganwe vantu ngesi mosikondovike kavayitulire moyiruganapomukunda Elavi, muna kwatere mukunda ngwendi Nahale Lya Mpingana mukunda horowero, omu vakara asi nomvhura nadinye kunawa mema gomugwa.
Mukunda ogu kwakara asi gumwe gonomukunda moOshikoto ava gwana mema gomungwa morwa mukaro gevango eli. Evango nye eli lyokuwapukurura mema aga kavaligeve sivike sina puko, koministeli zoukanguki noukali nawa, sivike sina puko omu kasikere asi naso simwe sokuzegurura sipangero esi paveta.
Evango nye eli lyomema kuna kara asi kuvhura kugava mema kovantu wokusika ko 500, omu vna kuvagazarera asi nkenye ogu kuvhura nye aruganese mema gokusika ko nolita 25 mezuva.
Ewapukururo mema eli kwalirugana wombunga za Idea Zone Investment, kampani zakara asi zovaNamibia. Moukwama mukurona gwazo Reminder Ekandjo, evango eli kuna kuruganesa udivi wopwantani omu vana kugusa mema momukuro ndi kohi ngoso, ntani gaga varuganesa nare.
Awo kwaruganesa yimaliva yokusika ko nomiliyuna zimwe ngoso morwa yiruganeso eyi varuganea, ure womema ntani mokuninka asi vagusemo mungwa.
Ose kuruganesa nomaterial dokugusamo nobakteri nadinye, ntani udigu nye wokugusamo mugwa ogo, momema. Evango eli kwalitura nye ngesi neyi vana kutumbura asi WIFI, yina kuninkisa magwanekero gawapa,unene konomukunda doponze.
Hawe poElavi ngesi awo vana kara nye nonomora zokuvhura kuruganesa magwanekero ntani kuvhura nye kugwanekera nkenye siruwo nampili nsene vana kara noudigu wounene, yimo ana kufaturura Ekandjo. Eakandjo katente asi projeka zengesi kwawizirapo morwa vatungimo kapi vakara nevango lyokugwana mema gana wapa mokunwa.
Esi kuna kara projek zokuhova mosirongo mudima saNamibia. Morwa mukaro nye guna kuvasininika mokupira kugwana mema gomawa gokunwa, ose yiyo nye twawizapo negano lyokutanta ndi kutara asi ngapi natugusapo udigu ou womema.
Monomvhura ntanzimwe dina kukapita, ose yiyo nye twapulire uministeli wonondima, Mema nekungo nsitwe omu nye vatupere asi turugane sihonena somema aga,nokulikida asi ngano egano lyetu ngapi nalirugana, yimo ana kugwadako ngoso.