ǂAnsa mās tsî ǁNâu-tsî-!Hoaǂharugus Ministers,Emma Theofelus ge ǂgansa !naniǁî ǀGôan Parlements ǁanin !oa ge dī, in aitsama !gâi ǂûsi tanisensa !oa ǁgū-ūsen tsî hoaǁae ǁîn ūhâ ǁkhāsigu ǂgaeǂguis diga ûi-ûi!nâ. Thefelus ge ǁ¬îs di mâ!nâs hâ !harosa xus gere !naniǁ¬î ǀGôan Parlements di !nona¬ǁî ǂnûs !nâ ǂoa ge wekheb Wunstaxtsēs ai gowaǀîsa mā soab ai ge mî “ǂNûǁkhaebas ge sada khoeda ase a tari !khaisa ra ǁgau, xawe daoǁgaudas tsîna ra dī ǁnān sada khami īna da ǂgaeǂguis !harodi !nâ ra mû soab ai”. Theofelus ge ge mî, ǂkham ǁanin parlements din, ǁîn di ǁhaos tsî ǁgamǁaredi !nâ-ū Namibiab ǀgôan ûiga !gâi ǀgaub ai nî tsâǀkhā ǁhōna nî !hoaǂamsa, ¬ǁîn ûitsama hō!âdi Namibiab ǀGôan dide ra ǂnûǁkhaeba xui-ao. Ministers ge gere ǂgaoǂgao!nâ ni, in !aromas ǀkha mîǂgāga mā tsî harase ǁhao. ǁÎs ge ǁanina gere mîbas ge, ǂgom!gâbas ge ūhâ isa, nē !naniǁî ǂnûsa xun ǂgaeǂgui-aona nî !huisa hîa ǀomkhâi ra ǂkhamkhoen ǂgaeǂguis Namibiab disa nî omkhâina. ǁAnin ge !kharagase a ǀgoraǂgāsa komitedi  gere !hoaǂamhe ǁgamǁarede xu aoǁguiga gere dī. !Naniǁî ǂnûs ǀGôan Parlements dis di !hoaǂam!khais, ‘Dī-.unu ǁGau!nâsa Namibiab !nâ’ ti ge hâ is ai !gâbasen hâses ge Raulenchia Phillipusa !hoaǂamhe nîse aoǁguiba ge dī, Namibiab ǂhanubas gere ǂganse îb mario!nâ ǁgau!nâs ǂhanusi xoaǁguiba ǁkhawa kō!gâ. “Nēs ge sida nî mā-am, xoaǁguib !nâ hâ ǂhanu tama xūn nēsi da ǁgau!nâs !nâ ra hō!âna ǂoaxa-ūsa in !naua!noexase gowaǀîhe,” tis ge gere ǀgonǀgon!gao. Staden Mabibob ge ¬îb khāba xu gaisase ge aoǁgui, hoa !kharaga!nâgu ǀhubuǀhubusenxūn Namibiab a ǂhabase sîsenūsa nî ǁkhehesa. ǁ¬Îb di !aromadi nē aoǁguib dideb ge Mabiboba, ū!oahesa ǂûsi tanisens tsî !gâi dīǀgaugu ai ge !gaoǁgui tsî ge mî, nē ǀhubuhubusenūxūn ra ǂurusib, !norasasib tsî !gâi hâb ǁanǂgāsaben tsî ǀhûhâsigu diba !khom!nâsa. Brandy Pekahas ge mā-amsa mā ǁkhās di kurin nî nēsi hâ 16 kurina xu 18 kurin kōse ǀgapiǀgapihesa ge ǂgan, nēs nî danasa ra !khāǂoa kai ǀgai!khōdi tsî ǂkhamǀgôa ǀgamǀkhāba ǁkhaubas ase ī xui-ao. !Nakaǂnôa mîgowaba-aob, Michael Ajibosob ge sorosi !nubusina ūhâ ǀgôan în di !nari-ūdadi !nâ supuse ǁhao-omgu tsî berodi !nâ  ǂgâs di !gomsiba ge ǁgui-ai!â tsî ǂhâbasasib nē !khais nî kō!gâhes diba gere ǀgonǀgon!gao. 

-Nampa