TSOAXUBAMS – Namibiab Omkhâisens Marisâuǂgaes (DBN) di Dana Sîsenǂuira Mâisab (CEO), Martin Inkumbib ge ge mî, ǂgui !kharaga!nâgu !ēdi Namibiaǁîn !aroma !kharaga !âgu !nâ hâsa, !gōsase ǂkhamkhoesib !aroma.
Inkumbib ge nēsa ǂoa ge wekheb Donertaxs aib ge Tsoaxubams !nâ ge hâ i ǀhaos, Afrikab !Khawagas Omkhâisens ǀHûhâsib (SADC) di Omkhâisens Mariǁhōn ǂNûiǂgādi (DFI) !Gaeǁares Dana Sîsenǂuira Mâisan ǀHûs di ǂganams ǁaxasib tawa ge ǂanǂan.
Nē ǂnûs hîa ǀgui tsēs ǀguisa ge !khōǂgā hâ is ge !kharaga Dana Sîsenǂuira Mâisan SADCs din hîa máriǁhōn ǀkha ra sîsen ǂnûiǂgādi din xa ge ǁhao!nâhe hâ i, aiǁgause DBNs, Agribanks, !Hū!nāsi Ommās ǂNûiǂgās (NHE) tsî EIFs hâde.
Nē ǂnûiǂgādi ge a ǂnuwibahe !aromas ge, ǁnā soadi hîa di marisâuǂgaede a mâǀoa ǁoade di nî ǀoaǀoase, !gōsase !oabade mās !nâ.
Inkumbib ge dî!nâǁgamǁare-i !nâ gere ǁgui!ā, !hanaǂgāb tsî ǂgarib tsî !hanaǂgāb, aniǂgarib tsî soǀôan ǂharugugu !aromadi ǂgui !ēde ǁgoesa Namibiaǁîn a domdorexu ǁkhāse.
“Sada ge sada ǂgarib tsî !hanaǂgāba a khoraǂui ǁkhā, !ā!nāsise sîsenūs tamas ka i o !hūba xu sîǂuis !aroma.
ǀNîsits nî ǀō-aisa ǂharugub !nâ ǂgâ ǂgaos kara, aiǁgause aniǂgarib khami, os tsîna-i ge a ǂhanu.
Sada ge noxopa ǂgui !gôab !nâ anina xu da rah ō xūna ra sîsenū hîa ra ǁgausa hâ a !ēdi noxopa a sîsenūhe ǁkhāsa ǁnā !âb ǂharugub dib !nâ.
Nēs ge ǂhanu tsî ǂâuǀoa hâ ǀaweǁguib tsî ǀgau ra ǁkhāsigu tsîn ǀūguina ǂhâba hâ,” tib ge Inkumbiba gere ǁgui!ā.
ǁNā-amaga, i ge nē !nôa ǀhaodi a ǂhâbasa tsî ǀgau hâ DFIde !ēde mās !nâ, hâ a !gâi!gân tsî ǁgoaǂuide ǁî!nāpe tsî !gâsa !hūgu ǀkha ǀgoragusa, ǁāǁāgus !aroma.
Inkumbib gere mîsa !oas ge nē kurib ǀhaos di ǁgūbasa, omkhâisens ǀguiro kai, xawe tani!kharusa !khōǀgaras ai ge !ammâisa i.
ǁÎb gere mîs ge, DFIdi marisa kurus ai ǀgui hâ tama hâ,, xawes ǂâibasensa omkhâisens !gâi sîsenǂuiba nî ǁgausa, projekn hîa khoen ûiga ra ǀkharaǀkharana marisise ǂkhâ!nâ tsî xawe marisise noxopa aitsama nî kō!gâsense.
Dana ǀkharisi sîsengu maisab, Afrikab Omkhâisens Marisâuǂgaes !aromab, Lufeyo Bandab tsîn ge ge mî, DFIdi nî ǁîdi marisa omkhâisens ǂnamipe ǁguiri !khaisa.