Likwambuyu wa Tuto, Lyano, Babanca, Lipapali, Buikezezo ni Sizo Sanet Steenkamp uize nihaike Namibia ina ni milao ye tiile hala swalisano ya naha, kutaleleza milao yeo ni kulwanisa ketululo ya mishobo mwa likolo isiala kuba butata. Kacwalo kueza likwata ni ketululo kuzwelapili kufumaneha mwahala baituti.

Mwangambolo ni mutayi wa makande wa Nampa, Steenkamp naize ketululo ya mishobo mwahala baituti sebile pilaelo, ili ye lwanisa butokwa bwa tuto ni liswanelo za mutomopuso wanaha hala kulikanelela ni swalisano. “Mutomopuso waluna uiputezi milao ya swalisano. Kamaiso yaluna ya tuto iswanela kuba simbayambaya sakuzwisezapata lika zeo. Kabumai, milao ni ha iliteñi, kuitaleleza kwashutana mwa likolo,” nabulezi.

Natolokile kuli likolo lizamaiswa ki Mulao wa Tuto wa silimo sa 2020, ni mulao hala zeswanelwa kuezwa ili ohanisa ketutululo, kono litaba za lishano za ketululo ya mishobo, ni kusheununa lisa fumaneha. “Halukoni kuicanganisa hala litaba ze ezahala. Kutaleleza kuswanela kuezahala mwa likalulo kaufela,” nabulezi.

Likwambuyu naize maticele babapala kalulotuna mwa kushenga mikwa ya baituti hala kushelana kwa mishobo. Nasepisize kuli likolo lika zwelapili kuno talima sinca milao ni kubona kuli baituti basiala kuba bayahi sakata banaha. – Nampa