Matheus David

Steven Hanana oku li a shivika omushikingalo woreggae moNamibia. 

Nonande a tya po filu, ina hanga efikilo ndele ota fuda po ashike.

Hanana ota monika mOmuthiya nokwa dalwa momafiku 12 Desemba 1969. Oshikalimo sheengalo daye osha nyama kokukalamwenyo, okupitila momashongo osho yo okukala u na omukumo mukeshe eshi to ningi.

“Oinima kai li nawa, ashike onda hala okushuna kostudio, ame ndi ka ete po oalbum yange ipe oyo tai ka ufanwa Climate Change,” Hanana ta ti.

Wonale okwa tile, “Omulongelo ohau kufa ukwao melimba,” Ovanamibia ova tokola okuudifa nawa ekoma e li pedalo lalo, eshi ta ka wanifa eedula 56, noku mu dimbulukifa kutya ouwa ou a longa kau fi ashike okumwenyeka oshiwana nembako, ndele okwa kaleka po yo eengalo doreggae moshilongo.

Ester Noongo, okudja kombelewa yo-MICT mOshikoto, ota indile aveshe ava va hala ku mu waimina noku mu kwafela va ende pombelewa yo-MICT mOshikoto ile va kwatafane neenomola tadi landula: 0811290291/ 0811563806 ile ongodi yomombelewa 065-244257.

-matheusshitongenidavid@gmail.com