Mbunga zakarerapo vana sure vana kutumbura asi Students’ Union of Namibia (SUN) kuna kuhundira epangero lyaNamibia asi vatulisepo simaliwa asi vanona kadona vana kukara kokwedi awo mosure depangero vahepakugwanayi;ivateresoyomawokowoko. Sinzi sovarongwa mwaza Namibia kuna kugwanekera nomaudigu merongo morwa gahepa posiruwo simwe kuhageka tanko kuza mononkondwarongero morwa paukanguki kapi ana awapa. Nomvhura dina pitipo McHenry Venaani gatulirepo siturwapo mombongarero zanavenye asi vahepa kugava yiruganeso eyi konosure oko vana yihara vanona kadona.
Apa nye kavakere nepuragero kumwe naNampa, SUN’s gumwe gwawo ogu ana kara asi mugendesi ruha rwehetakano mvharwa Frieda Iimene kakere nepuro asi morwa sinke munonakadomna gomoNamibia simpe kuna kuhuguvara asi vagwane mbatero ponze zosirongo vagwane yokulivateresa nsene kuna kara komwedi, nye nocondomu kuna kudigwana mawoko woko. Iimene katente asi nayinye kuna hetakana mokuvatera yihepwa yovantu.
Kukara kosidira kapisi muntu mwene ana yihara, vahepa kuyitara pangenderera morwa ukangu mulyo unene. Age katente asi erongo kuna kara situmbukira sina kutunda mediveta lyaNamibia, ano yihorokwa ngwendi ruhepo, kukara kosidira kapi yina kuliza nountuwomuntu. Age katente asi mbungga zendi kapi vana kuyipulisira eyi yangesi, eyi yina kara asi vantu vanyande moNamibia morwa kwakara kosidira, usili kuna kara asi vanonagona wovakadona simpe kuna kumona udigu wangesi mo 2025.
Mbunga ezi kuna kuhundira epangero vatulisepo silinga zina kara asi zokuvatera owo vana kukara kokwedi unene monosure depangero ntani nonkurusure.
Yimo ngoso ana kuhundira Iimene.age simpe kahundilire asi yokukara kokwedi vahepa kuyitura nayo mosirongwa sehungo mwenyo,mntani vamitili vavape edeuro omu nakukara nye owo vana kuyikeverera nehuguvaro lyenene. Age kapandwire kombunga zina zaone economy foundation kweyi vana kurugana. ‘’ Pomundinmda gomuntu, pakampani nombunga dopaumwene; mbatero zeni kuna zipumbwa momunene ngesi kapisi ngwendi mwanare. Ose kuna kuhundira nombunga nadinye vahepa kugona kuwoko tuvatere vadinkantu vetu vana kara monosure.
Age katente asi nsene turuganena kumwe hawe nayiretesapo marunduruko mwaza siruwo kovarongwa vetu. Omu nye natukagusapo eninkiliromo, ukangu mulyo, mbunga kuna kugava egano asi nompitisili dovarongwa ntani vagendesi nosure, guseni egendeso eli mutulisepo maliyongo tuliyonge kuhamena kukara kokwedi mukadonagona age mosure. -Nampa