Etunda farm-Vekoro lyanakufa Presidente gontotera Sam Nujoma, omu kavavagendesereko vagendesi vaSam nujoma foundation mokukagava paveta Etunda Primary school ntani sipangero yize nayinye eyi kepangero moutano kositenguko.
Munwa Nujoma, Sacky Nujoma, kageve nye sure ezi kumwe nefano eli vafaneka omu vadika nonzugo odo kwaPresidente gona Lucia Witbooi, ogu hena katambwire efano omu vafaneka ,matungo aga sure, nosipangero mukukwateramo epangero.
Witbooi kagendere nye mononkondwa rongero mbali, kononzugo dokurara munakwatere dovakadona ntani dovamati, nzugo zokuterekera, nzugo zawo zokupongera, nonzugo dovamitili, embo lyovahakuli, sipangero ntani nonzugo dokulivaterera. ‘’ Sure ntani sipangero kwadidika nadinye odo po 15-hectare evhu eli lina kupura simaliwa sokusika ko N$25 miliyuna, eli nye gageve mwene Nujoma mo 2013, yimo ana kutanta Witbooi.
‘’ Muntu ogu gakere nonzodi, ogu gahere unene vantu vendi, kwatokwere kugava evhu eli kwahana nsonso zongandi pofarama zendi vadikepo sure ntani sipangerogona omu navavatera vanona wontambondunge 1 dogoro 7, owo nye vana kara asi vakondi vawo kurugana ponofarama momudingonoko gofarama zaEtunda, yimo ana kutanta Witbooi. Presidentegona katente asi kutunda nye mo 2026, sure ezi tazikakara novanona wokusika ko 240, 12 vamitili ano vamati wokusika ko 100 kumwe novakadona yimo ngava kara vagwane mararo posure.
Kansela gwa Otavi George Garab, kumwe nondango zokansela kavageve silinga zokusika ko N$200 000 varande darate vature kosure. Vahuyungi wokulisinga siga wokombunga zaSWAPO,vana ngesefa, mukarelipo gwaChina moNamibia ntani ministeli zerongo, unkurungu, maudano, vadinkantu ntani mpo kavatente asi awo tavatwikire kugava mbatero omu navawapayika sure nosipangero, nokutanta asi awo vana hafa morwa vamwe vamwene eyi ana kurugana Nujoma unene pevenago eli gadikisa sure.
Ministeli gona gerongo Dino Ballotti, munasipundi gioSam Nujoma foundation Nahas Angula, presidente gwanare Nangolo Mbumba ntani vamwe nye vanekoro vanakufa Sam Nujoma nawo vamwe kavakere posilika esi. Etunda farm kwakara nokilo metres 30km kombindakano zaOtavi. –Nampa