WINDHOEK-Vahaemeni wombunga politika zaSWANU moNamibia,momapeu kagapwireko kavadene nokuhamberera eparu eli gakere nalyo gumwe gakondjerere emanguruko lyosirongo esi, gumwe govakondjeli Ndokotora ImbuUirab,ogu gadogorokere mo 2002. Uirab kwamuhampurukire mo Windhoek, mo 1954, ntani age kwakamuhoreka nye kevango vanakutumbura asi rukanda romayendo rwanare. Age kwakere asi Presidentegona gombunga ezi kugusako tupu mavango gamwe nye aga gakere asi mpitisili ponze zosirongo ndi monda zosirongo.
Vahameni wombunga ezi zaSWANU, kavakere nye vanapongo pevango eli,nokugava mfumwa kwagumwe gependa Uirab. Ogu vana kutjangurura awo asi gumwe gomapenda. Vamwe kavatundire komavango gokoure, vawize mositata nokuyatjangurura Uirab asi ependa ntani mpitisili gakere gosiruwo sina. Kwakere vanzi nompitisili twakere nado edi dakere siruwo sakapita, omu ngavagava makorangendo kovantu vatunga mosirongo esi, vagara vanona novakadi asi vahepa kulihameseramo mokukondjera eamnguruko lyosirongo esi. “ Ano nye ame ava namona asi kwarugana sirugana sosidigu meparu lyange kuna kara, Hitjitevi Vei, Imbu Uirab ntani Uatjindjua Ndjoze yimo ana kutanta Ndokotora Rukee Tjingaete, muhameni gomunene mombunga zaSWANU.
Tjingaete katente asi Uirab,gumwe garugana unene ano eyi garugana vahepa kuyidiworoka. Mbudi kuvhura nkenye gumwe ozimone asi kwakere zondona apa vageve asi Uirab ana dogoroka, kwakere vahameni vaSWANU vana guuu, ano ana nye vanyenga mbunga ezi awo kwayimwene asi simwe navavhura kuhesererapo morwa mugara ogu vanyengere ana dogoroka. Tjingaete simpe kagwedereko asi Uirab kapisi kwakere tupu mukondjeli nye gumwe ngagazara pwamwene. Eyi kwayimonekesere apa gakere muzuni mokuzuvha eyi vana kuuyunga vakwawo ntani age kwakondja dogoro ezuva lyendi lyokuhulilira. Yimo ana kutwikira kuuyunga ngoso Tjingaete. Mokukwama mwendi Imbu kwakere ana diva nawa nawa asi yinke ana kurugana noruvara oru gakere naro runa kulikida nawa-nawa asi age mugara gafunda. Eyi garugana Imbu, hawe kuna kara sitetu,kombunga zaSWANU ntani nokovahameni navenye. Morwa yoyo nye garugene hawe age kwakere tatura Edina lyombunga ezi swanu penguru, posiruwo sina.
Age gumwe nage gatantere vantu yokuhamena evhu lyetu nomalikwamo gamwe ngoso. Ame kuvhura nimutantere asi mbuto ezi gatusigira, gakuna mombunga politika zetu, zakura yizo tuna kudjobwana ngesi. Siruwo sehuguvaro kwakerererapo ano nampili ngomu aso ana tusigi hawe magano gendi kapi tagadogonokapo. Yimo ana kutanta ngoso pehuliso Tjingaete.