Auleria Wakudumo 

Oidjemo yolweefo lwotete yomahoololo ovakwaita, ovapolifi, ovanailonga vomefuta nOvaNamibia ve li kondje yoshilongo otai ulike Swapo nomuulikwapresidente waye Netumbo Nandi-Ndaitwah e li ponomola yotete.

Ongudu yoIndependence Patriots for Change (IPC) nomupresidente wayo Panduleni Itula ve li ponomola onhivali omanga ongudu yoAffirmative Repositioning (AR) nomupresidente wayo Job Amupanda tai ulike i li  ponomola onhinhatu nadikwao da landula ko nomawi e li pedu. 

Omawi eengudu adishe, Ndaitwah wongudu yoSwapo ota ulike e na omawi aeshe kumwe 5 637, taku shikula Itula wongudu yo-IPC e na omawi 2 682, naAmupanda woAR e na omawi 557. 

Omawi omutumba wopashiwana otaa ulike ongudu yoSwapo i na omawi 5 904, taku landula oIPC i na omawi 2 682, noAR ina omawi 1 170. 

Olopota otai ulike kutya ngeenge o-IPC no-AR oya tula kumwe omawi ayo, i na omawi 3 563. 

Swapo okwe shi endifa nawa koitopolwa ihapu kondje yoshilongo omanga London naSouth Africa otai ulike IPC oye a mona omawi mahapu keengudu adishe.  

Moshilongo, natango ongudu yoSwapo oye  a findana po konyala peenhele adishe kakele keesenda mbali moWalvis Bay omo Swapo a shaala po ko-IPC.