ǀAeǁgams
Anǂansa Amerikab di bishop, xoa-ao tsî ǁkhāti a gongonsen īsigu kuru-aob, Thomas Dexter Jakesi, “T.D.” ti ǀgui a ǂansab ge ge mî tarekhoedi nî ǁkhāsiba ūhâsa, î di ǀguiro ǂoaǂamsa sîsenni !harodi âdi !nâ mâǂoas tsî ǁkhāti tarase oms tawa nî hâse is tsîra. Jakesi ge ǁnāpa ge hâ i dîs mâti di Afrikaǁî tarekhoede nē ǀasa !ereamxasigu tsî !harodi hîa di sîsengu tsî ǂharugudi !nâ ra hōdi tsî ǀasa !ēdi hîa ǁîdi !aroma ra ǁkhowa-amhe di ǀkha nî dīhōsa Elob, aob tsî ǀhûhâsib tsîna ǁkhā ǁaeb ai !oabasa. Jakesi ge nē !hūb !nâ ǂoago wekheb di Mantaxtsēs ai ge ǂgâxa, MTCs ge ǀaweǁgui hâ i ǂgaeǂgui-aon konferensis tsî ǂgaoǂgao!nâs !hoa!âdi dis tawa nî gowase. ǁÎb ge ǁgoagas tsî karab !âde Safari Hotels tsî Konferensi Senters taw age ūhâ i. ǁÎba gere mâxōǀkhā kha ge Suid Afrikab ǁkhāǁkhā-aob Jermone Campheri tsî Dr David Molapob hâkha. ǁÎb ge Wunstaxtsēkam !oea gere ǁaru. ǁÎb hoaraga !khūsib ge US$150.2 milijuns ai mâ. Ai!â ge hâ i dîs aib ge Elosi aiba xu gere !eream soab aib ge Jakesa ge mî, Elobmîs ge mî tama hâ tarekhoes ge aorekhoeb !naka nî hâ ti. ǁîb ge mîs ge tarekhoes tsî aorekhoeb hâra a ǀgui tsî ǀguitikō !khaisa Xristub !nâ. “Elobmîs ge tarekhoes di !gam!gamsens xa ra !hoa, aorekhoegu ai!âs ose, xawes îs di aob !aroma … Elob ge ǂgaeǂguis ǁguiǂuiba omaris !aroma ūhâ, ǁnās ge ǁnā oms !auga hâ xūn tamas ka io khoen ǀkha guis timî hâ xū-i tsîna dīxūxa ū tama hâ.” Taras geo ms !nâs nî hâs karao aob âsa ra !gam!gamsenba, xawes nî !augab ai ǂoas kara, os ge ǁîsa a ǀguitikō mâ ao-i, tara-i, ari-i, ǀhôa-i kas hoas ǀkha.
“ǁGoaǂuis hîa hâs ge mâǁae tsî tari-i !oagu ti hâ. Sas ge a Sîsenǂui ra Dana(CEO) ǁkhā sîsenaib beros !nâ xawe sa !nā-oms !nâs ose. Tarekhoes ge ǂansa nî ūhâ mâtis nē !kharaga !harodi ǁaegu nî !khunisensa, tsîs nēsa nî dīhō tama is kara os ge ǀgui-e nî xū, sas mâ-i xa !nāsase a ǂhâǂhâsabahesa xu,” tib ge ge mî. Mantax!oes di gagasi !hoa!âb ge Jakesa gere ǁkhāǁkhā ǂansa ôabasensa tā ǀûs ǁkhāǁkhāsens !nâ-ū, Elob mâ nîn xa tā îganǀges, ǁîn di mādi tsî ǀgaiga mûǂans tsî ǁgoaǂuidi hîa xūn ǀkhara o ra hân tsîna.