Taimi Haihambo 

Omunamido 22 Jermain Davin Andrew okwa hoololwa a ka kalele po oshilongo moudano wosinuka koAustralia. 

Andrew okwa kala omudani muwa moudano woludi eli, fiyo a ninga ependa, omo a didilikwa nokwe lineekelelwa a ka kufe ombinga kondje yomafuta. 

Andrew okwa ti vahapu ngeenge va tala ko oudano woludi eli, ohave u kufako ashike ongoshiima shokulihafifa unene ngeenge ovanhu ve li ponhele yomanwino. 

Okwa ti ava ve shi shi okudana oudano woludi eli, ove li melao shaashi otau dulu oku va twalwa kokule. 

“Ame ohau kwafele nge okutula omadiladilo ange ponhele, nokudilaadilila moule. Natango oudano ou kwaame ohau dulu okushunifa oshinyenu shange pedu nohau etelenge omakanghameno moinima ihapu,” ta ti. 

Okwa ti ota kumaida ovakufimbinga moudano voludi eli ve shi ninge pamukalo muwa, opo va twikile okukala tava kufa ombinga moudano ou shaashi otau dulu oku va twala kokule. 

Andrew ota tameke okudana nena koAustralia, noudano owa kwatelwa komesho kehangano loWorld Pool Association melongelokumwe noCue Sports Australia noJoy Billards. 

-taimihaihambo2000@gmail.com