Auleria Wakudumo
Ouministeli wounamapya, omeva nomatalululo omadu owa popya kutya otau ka kendabala okukandula po oupyakadi womeva wa taalelwa koikandjohoololo ihapu moshitukulwa shaShikoto. Oikandjohoololo i na oupyakadi womeva a pata ongaashi Eengodi, Okankolo, Omuthiya, Omuntele, noNehale lyaMpingana.
Oikandjohoololo ya tumbulwa oya ninga oule wefimbo ihe na omeva. Omikunda 300, eefikola, oipangelo, noitaasi yopolifi nayo oya kumwa koshinima eshi.
Minista wounamapya, omeva nomatalululo omadu Calle Schlettwein okwa ti ouministeli waye okupitila moshikondo sheandjakaneko lomeva noukoshoki mekwatafano novayambididi voshitukulwa shaShikoto aveshe otava longele kumwe opo va tule po omakwafo opakafimbo nomakwafo oulefimbo okukwashilipalekwe kutya epato lomeva ola findwa moshitukulwa.
“Otwa twala omaloli omeva komikunda odo da kala dihe na omeva oule wefimbo okudja 1 Octoba 2024,” Schlettwein ta ti.
Onghendabala yokuweda po eetenga mbali domeva di wede eetenga dikwao kuyandjwe omeva komikunda oili vati metifa.
Schlettwein okwa weda po ta ti okukwashilipaleka kutya Oshikoto otashi kala shina omeva oulefimbo, ouministeli otau endelele okutula po eeproyeka domeva da kula mwa kwatelwa Oshakati Water Purification Plant (Namwater), King Kauluma-Omutsegonime Water Supply Scheme, Oshivelo-Omutsegonime Water Supply Scheme (Namwater) omanga Omutsegonime owa hovela muJuly 2024 notai ende nawa.
Omukunda di hapu mOshikoto oda lopotwa vati da kala di hena omeva oule wefimbo. Vati omikunda dimwe omeva ohaa pate oule womafiku omanga dimwe omeva haa dulu okupata oule woshivike.
Ovanangeshefa modoolopa yaMuthiya ovati epato lomeva moshitukulwa otali shunifa eengeshefa davo monima shaashi oilonga yavo oya iwa vati moshipala.
Ouministeli otau kwashilipaleke kutya eeproyeka adishe da dingilila omikunda da kumwa koshikumungu shomeva kutya otadi ka longifwa okukwafela ovakwashiwana ovo.
Schlettwein okwa indile omikunda adishe da kumwa koshikumungu shomeva opo veli didimike omanga tava longo noudiinini okukandula po oupyakadi.
-wakudumoauleria@gmail.com