LAGOS – ǂAnǂansa aoǁnâ-aob Nigeriab dib tsî īsiǂhôaǂgaredi ai aoǁnâdi ǀkha a dīxūxab ge ǀgaisa ǁgâib !nâ ǂoago wekheb ai ge hâ i ǁnāpab ge ǁîb xa a ǀhonkhoe-aihe kerkheba a !khom tsî ǁ-aupexa 67 khoena ûiga a ǂoa!nâs khao!gâ. TB Joshuab tsî ǁîb di sîsenaon, Synagogue Church of All Nations din tsîn ge ǂhâbasa ǂans ôa!nâdi !nâ a huiǁkhāsa mā!kharus !nâ sîsenǁareba mā tama ge ī tib ge ǂhanub tsî ǂōǂōsib sîsenaona ge mî.
ǀNî khamikō !gôab di Suid Afrikaǁîn, 67 i ra !gôa!gôahen ge nē ǁōb !gôab !nâ ra ǀhaehe, ǁîn ge !gûkhoen hâ!khaib hîa TB Joshuab xa a ǀhonkhoe-aiheb !nâ gere hâ ǁîb di !oabade ǁhao!nâs !aroman ge ǁnā !hūb !nâ sī hâ is khao!gâse. President Jacob Zumab, Suid Afrikab di Presidenti ge nēsa ǂoago wekheb ai ǂhaitsi ǂanǂan-i !nâ !hūǁîn ǀkha gere ǀgoragu.
“ǂGuro !nona tsēden ge kerkheb di khoena nē ǁhōb xa xū-e !hoa ǂgao tama i tsî xawe ǂōǂōsib sîsenaon nî nē !khoms ge hâ !khaiba supuse sīsa gere ǂhani.
Lagos di ǂHanusi Mûǂamaob, Babatunde Fasholab ge ǁnā !khaib tawa sī tsî a ǁgari, mâ-am ǂgao taman nî īs kara, ob nî nē kerkheba !aruǀî !oabade dīsa xu ǁarahe tsî ǂganamhesa ǁaeb ai ǀgui da ge ǂgâsa ge mā-amhe.
ǀNîsi da ga !nae!khais ge ītoas khao!gâ ǂgâǁkhā hâ o da ge !nāsa ǀomde ga huitsâ hâ,” ti-i ge ǀgui ǂōǂōsib sîsenao-e gere mî.
ǀOadisidi !nâ hâ khoen ge !hūbaib ǂhabase kurikorobe Synagogue Church of All Nationsi, TB Joshuab dib !oa ra sī ǂgauǂgaudi tsî buruxasigu TB Joshuab diga sī !khō!oas !aroma. Aoǁnâ-aob ge noxopa ǂoago wekheb kōse ǂhaitsise ge ǂoaxa-ūsen tama hâ i nē !nae!khais ǂnamipe, xawe hoarab gere dītsâs ge ǀhapisa Boko Harami toro-aogu tsî anikunis hîa ge ǁnā ǁhao-ommi nî !khoms ai!â ǀgapise gere !kharus hâra aisa. Fraitaxtsēs kōseb ge ǁîba !kharagag!nâgu Elobmîs !ârodi ǀguide ǁ-îb Facebook ǂhaweb ai gere sī,
Zumab ge ge mî, koro Suid Afrikab di !kharaga kerkhegu ǁanin ǁaupexa 300 kōse ra !gôa!gôahen ge ǁnā ǁaeb ai kerkheb Nigeriab dib !nâ hâ isa. Nausan ge ǀn ûiǂoage ge Suid Afrikaǁîna Sontaxtsēs ai Suid Afrikab !nâ a oasī, xawen ge ǁîna noxopa kaise !hurib xa ge !khō!namihe hâ i tsî ǁnā !nae!khais xa ge !hoa ǂgao tama hâ i. Lagos !âb ǀAweǁguigu tsî Omkhâisens ǀkha a ǁ-axab ge ge mî, ôa!nâdi noxopa nî ai!gûsa !aromasa ǂanǂuis !aroma.