Charles Ndeumane
Minista gwomauyelele nomakwatathano gopaungomba Emma Theofelus okwa londodha aakwashigwana ya simaneke uuthemba wa yakwawo yo ya longithe omapandja gopaungomba nuukeka pethimbo oshilongo sha taalela omahogololo.
Uuministeli womauyelele nomakwatathano gopaungomba owa gandja elondodho oku pitila momukandatseyitho kiikundaneki sha landula sho wa koneke kutya aantu oyendji ota ya longitha omapandja gopaungomba nuuhasha.
Uuministeli owa koneke kutya opu na aantu oyendji ha ya ihumbata nayi komalungula ngaashi oku andjakaneka uuyelele wa puka, oku tukana, oshowo oku gandja omanwethemo omawinayi moshigwana. Uuministeli owa ti opu na aantu oyendji ya kala no ku tuka no ku popila muuwinawi omukokolipresidente Sam Nujoma osho omupresidente omukulu gwaNamibia Hifikepunye Pohamba.
“Nonande omalungula oge na omauwanawa ogendji ngele ta shi ya kuuthemba wo ku ulika omaiyuvo oshowo oku kwatakanitha aantu, ashike osha simana oku kala wa kotokela oshiponga sho ku ga longitha sha pitilila. Eandjakano lyuuyelele kaa wu li mondjila, iipopiwa wuutondwe, oshowo omiyonena oku pitila komalungula oyo yimwe yomiizemo yok u longitha omalungula nuuhasha,” osho Theofelus a ti.
Theofelus okwa ti oohandimwe na ya longithe omalungula nuukeka oshoka oshilongo osha taalela ethimbo lya simana lyomahogololo, ta ti uuyelele wa puka niipopiwa yetopoko ota yi vulu
oku nyateka efano lyoshigwa
shaNamibia. “Momathimbo ga piti omatukano ga nuninwa omukokolipresidente omundohotola Sam Nujoma oshowo omupresidente gwaNamibia omukulu Hifikepunye Pohamba oga kala no ku taandela komapandja gokomalungula, oshowo omifofodholo kombinga yuundjolowele womukokolipresidente.”
Oshigwana kaa shi longithe pambumbo uuthemba negameno ndyoka sha pewa kepangelo wo ku popya no ku ulika omaiyuvo gasho komapandja gokomalungula.