Omugundjuka Vilho Kalimbo a yambukile mOshikuku, ngoka a mana eyilongo lye koshiputudhilo shopombanda shaUnam moshimpungu shuunamapya okwa ti, ita tege okukutwa omanga shoka a li a ka tala kosikola e shi mona.
Kalimbo nontseyo ye yeyilongo okwe ya po nehangano ta li ithanwa Thikamapo Biogas and Farming cc, ndyoka lyi na sha noohasa oshowo uuhoho.
“Sho nda li nda gongele ontseyo yandje nda mono kosikola, okwa li ya pendje iizemo yokuya po nehangano lyandje opo wo ndi vule okukwathela aakalimo yomonooli okulongitha oohasa oshowo uuhoho koondando onshoona, “Kalimbo ta ti ngaaka.
Omulumentu ngoka okwa li a fatulula nkene eshina ndyoka yalongo oku eta po ombepo, okupitila miikulya , momapumba goongombe nosho tuu.
Kalimbo okwa ti, eshina ndyoka oha li tulwa omapumba goongombe, iikulya ya ninga nayi nonando hawunene, na kehe shimwe shoka hashi thigwapo, sha nuninwa okuka ekelwahi.
“Eshina lyetu ndika oha li taasina nokunyanyagulapo iikulya thiluthilu, ayihe ya tulwamo. Ohayi ende oondjila dha yooloka meni lyeshina, sigo ya eta ombepo menayilona ndyoka etokele, ha li landwa pamwe neshina,” Kalimbo a fatulula.
Ta ti , ngele ombepo ya zi monayilona moka ohayi ende mopayipi ndjoka ya uka koka siga. Nongele ya thigi ko kasiga omulilo otagu tema noku teleka kehe shimwe.
Omunyasha nguka okwa fatulula ta ti, ohaasa ndjoka oyina ombiliha, yo kayina uuwinayi kewangandjo, otayi kalelele yo yina egamano olindji , ihayi topa nande nande.
“Natango ehangano ndika onde li totopo wo okukwathela aanyasha akwetu kaayena iilonga, opo tu iyambidhidhe nokulonga pamwe,” Kalimbo a popi nggaaka
Kundana esiku ndyoka okwa li akwashilipaleke nkene ohasa ndjoka hayi longithwa okuteleka mokombitha yehala lyomayinyanyudho Oshikuku town lodge.
Gumwe gwomanilonga okwa ti, ihaya longo we nuudhigu okukateka oohasa, ihe ohaya kutha ashike iikulya mboka yahupapo, taya tula meshina ndyoka, etaya mono mo omuku gwa wo, ya teleke natango.
Oshilyo shomutumba gwopashigwana Mondestus Amutse okwa ti, shoka shalongwa komunyasha ngoka oshinene noshina oshilonga moshigwana.
“Omunyasha nguka okwa longa oshilonga sha simana, tashi yambula po wo natango ondoolopa yaShikuku, onkene otandi ya pe ompito opo ya pulendje ndiya yambidhidhe naashoka ya pumbwa okuya kwathela wo natango ya ye komeho,” Amutse a popi ngaaka.
Ehangano Thikamapo olina, ayihe tayi pumbiwa okulongitha ombepo ndjoka. Thikamapo ota adhika mOshikuku.