TSUMEB – Mobile Telecommunications Limited (MTC) tsî Auto-Tsūke!gân ǂGaes Namibiab dis (MVA) hâra ge ǂoa ge wekheb di Wunstaxtsēs ai ǁkhaisa ǁkhāǁkhāsens!nā-omdi, kompitern laboratoriums tsî xūna sâu!nâs !nā-oms tsîna Tsumeb Sekondere Skoli, Oshikoto ǀkharib !nâ ǁgoeba ge ǀkhae. 

Nē ge kuruhe xūn di ǁkhāsib ge a N$3.4miljun. ǁGau!nâs di ministers, Anna Nghipondokas ge nē !nā-omde Tsumeb Sekondere Skola ge ǁkhaeǁnâ. 

Ministers ge MTCs tsî MVAs hâra gangansa -ǁîra ǂkhâ!nâs !aroma mā tsî ǁkhā soab ai nau !âǀhuru-aon ǁgau!nâs din, ǂharugub ǀhûhâsib tsî ǀhûhâsib ǁanin ai ǂgansa gere dī, in !nubusib !hūb a ǂhabase da skolgu !nâ !nā-omdi tsî nau ǂhâbasa xūn ǂnamipe ra hōba oresa hōbas !aroma ǁgau!nâs ministerisa !khōǁôa. 

“Mā-am te re, î ta hoa !âǀhuru-aodu ǁgau!nâs dido ǁkhauǂui, î da ǁkhāǁkhāsens tsî ǁgau!nâs ai!gûsa !noa-ai!naose sada skolgu !nâ ība xūna oresa hā-ūbas !aroma !khōǁôagu,” tis ge Nghipondokasa ge mî. Ai!âs ge ǁîsa skolǀgôan nē skoli din tsî Tsumeb ǁanǂgāsabena gere ǂgan, in ǂnīsase nē ǀasa omgu !nâ tsî hoa ǀkhāga xu ǂkhôadīhes !oagu !ûi!gâ tsî ǁawo-ǁawo gaxu ûiǁaeban ǁîna nî sī!nâ !khaisa, nēsi hâ skolǀgôan tsî !goaxa surigu di ǀgôan nî !gâi!gâba nēpa xu ǀamase. 

MTCs di !garo!ā Skolgu Projeks di !huis ge, ǂhanuba mâxōǀkhāsa, îb skolgu ǁkhāǁkhāsens tsî ǁgau!nâs  ǂnamipega !gâi!gâi!nâ tsî hoa !hūb di skolga ǀguitikō īǁkhāsiga mā, ǀomkhâis tsî !gâi !nuriga 

ǁ-awoǁ-awos ase. ǁNāti ī skolgu hîa khôa!ā ra mâsigu !nâ hâgu ge ǁkhawa ra ǀasa kaihe tsî sîsenūhes mâsib !nâ skolga ǁkhaeǁnâhe. !Nāsa !nāden ge ǀasa ǁkhāǁkhāsen!nā-omna ra kuruhe. Nē projeks hîa ge 2019ǁî kurib ai a tsoatsoahes ge ǀnai 49 ǁkhāǁkhāsens !nā-omde ǂnuwi hâ. 

Nau ǀkharigu hîa nē projeksa xu ǀnai !gâi!gâ ǀamahâ gu ge, ǂgaiǀons ai Kuneneb, Otjozondjupab, Oshonab, Hardap, ǁKharas, Kavangob Huriǂoas, Zambezib, Ohangwenab tsî nēsi Oshikotoba. MTCs di Danab, Khoen, ǂHarugub ǁGauǂuis tsî ǂHarugun ǁHōn dib, Tim Ekandjob ge nau ǂhârugugu, ǀgaisase marisise ra ǀomkhâiga ge ǂgaikhâi, -ǁîn di ǀhûhâsiba kō!gâs di !ereamxasiga ǂoaxa-ū tsî ǀhûhâsigu xa ǂanhesa.”ǁNān hîa ǁaun ǂharuguba xu ǂauna marisa ra kuruna ta ge ra ǂgaikhâi, in ǂgui !gôab

 ǁ-auna !khōǁkhāsa xun ra hōǂgā maride xu ǀgui persenti ǀguiba Namibiab ǁgau!nâs !nâ ǁguiri-oa,” tib ge ge mî. – Nampa