WINDHOEK Oshipu-tudhilo shelongo lyopom-banda awike moNamibia – Ounivesiti yaNamibia oya lulilwa kuufuthi waanam-belewa aakuluntu yawo konima ashike sho aanambe-lewa yaali aakuluntu taya tamanekwa niipotha yuum-botsotso. Omuprofessa gum-we konima ashike yiiwike iyali ya piti okwa tulilwa po oshipotha shuufuthi woo-kompiuta 12 taku tiya okwe dhi yaka mOunivesiti yaNa-mibia. Oshiwike shika oshi-putudhilo shika osha kutha miilonga Martino Vonkie Olivier ngoka e li Omuku-luntu gOshikondo shOmalu-kalwa gAanasikola mo-UNAM. Oonzo dhomauyele-le otadhi ti omufekelwa okwa li aniwa a pula oshimaliwa shokulanda omashina go-kukwata omakuthikuthi gooTV (Digital Satellite Receivers) omvula ya zi ko muAguste. Omashina ngaka gatatu okwa li ga nuninwa okulongithwa momihandjo kaanasikola. Kakele, oshe ke ya puuyelele kutya omashina ngaka inaya tulwa mo moo-hostela moka kwa li ga nu-ninwa. Otaku tiwa eshina limwe olya tulwa pegumbo lyaOlivier momuhandjo gwaUNAM, eshina ekwawo lya gandjwa kOmukuluntu gwAailongi nOoproholama, omanga eshina etitatu kali wetike kutya oli li peni. Oku-niwe eineekelo kutya eshina ndyoka lya kana kutya otashi vulika li li kofaalama yaOli-vier ndjoka yi li momudhin-goloko gwaRehoboth. Oon-zo dhimwe moshikondo shiimaliwa oshowo elando lyiilongitho moUNAM, odhe shi mona mo wo kutya omu-nambelewa oye tuu ngoka omathimbo ga zi ko okwa kala nooDSTV te dhi longitha paumwene megum-bo lye lyopambelewa mo-UNAM, ihe ounivesiti oya kala nokufuta elongitho lyomashina ngaka uule woomvula ndatu. Otashi mo-nika kutya osha kala omukalondjigilile gwaOli-vier, oshoka okwa kala nokupula ooDSTV sha tadhi ka longithwa kaanasikola, ihe kaailongi ihe dhi thikitha ko, osho onzo yimwe tayi yelitha. Oonzo otadhi ti ewiliko lyounivisiti otali dhiladhila oku ka tala kofaalama ye netegameno oku ka adha ko ishewe omaliko galwe gaUNAM. Omupopiliko gOpolisi, James Matengu okwe shi koleke kutya Olivier okwa li a tulwa miipandeko mEtitano lya zi ko niipotha yuufuthi, ihe okwa ka mangululwa konima sho a pewa omboo-loha yoodola N$1000. Momukanda gwa tumin-wa aanambelwa ayehe oshowo aanasikola, Omuku-luntu goUNAM, Omupro-fesa Lazarus Hangula ota ti: “UNAM okwa kutha mii-longa pakathimbo Omuku-luntu gwe gOshikondo shOmalukalwa omusamane M. Olivier moompadhi oon-talala, omanga taku ningwa omakonakono ge nasha nomashina gooDSTV.” Oku shi talela mushika, omapulapulo agehe gaanasi-kola ge nasha nomalukalwa oge na okuukithwa kOmu-nambelewa gOmahangano gAailongi, Leevi Shigwedha, nangele ope na iilonga yimwe yuulingilingi ya holoka po oyi na okuthi-kithwa momakutsi gomuku-luntu goosekuliti/gwega-meno. “Ewiliko lyounivesiti olya hala okupandula noonkondo adhihe omuyalu gwaakalimo yomoUNAM mboka taya lopota iiningwanima yuu-futhi okuza poshining-wanima sha hugunina shoka sha kwatela mo uufuthi wookompiuta okuza mou-nivesiti.” Omukanda otagu ti onkalo yokulopota uudhudhu oya pumbiwa noonkondo ngele oshiputudhilo shika osha hala okuvudha mo iiningwa-nima yuumbotsotso. “Onda hala oku shi endulula kutya oludhi kehe lwiilonga yokan-yala – uufuthi otayi ki idhid-himikilwa nando mOunive-siti yaNamibia. Ounivesiti otayi ka tsikila okwiikolelela keyambidhidho lyaantu koohandimwe mboka taya holola puuyelele nokulopo- ta iiningwanima yuulingi-lilngi nuudhudhu,” Hangula ta ti.