OSHAKATI- Uuministeli womauyelele, nomakwatathano gopaungomba moshitopolwa shaShana, otau hiya oshigwana opo shi inyolithe, shi mone omadheulo gopetameko gokompiyuta.
Uuministeli okupitila komapandja gawo gomalungula owa tseyitha kutya omalongo dheulo ngoka otaga tameka oshiwike ta shiya.
“Olweetho lwotango ota lu tameke momasiku 27 gaFebuluali sigo 01 lyaMalitsa nuumvo omanga olweetho olutiyali talu ka tameka momasiku 04 sigo 08 gaMalitsa nuumvo, oshali sha muhongi,” ya nyola ngaaka.
Omadheulo ngoka anuwa otaga kala taga ningwa okuza po 12h00 sigo 15h00, pomatungo goombelewa dhuuministeli womauyelele mOshakati, noga patulukile kehe gumwe. Oya tseyitha wo kutya kaye na oondjindikila dha tulwa po, ihe kehe gumwe okwa manguluka okwiinyolitha. Uuministeli owa nyola kutya sho ya kala nokugandja omalongo ngoka, olundji aanona yeli kiiputundhilo yopombanda mboka yaana ontseyo oyo haya kala oyendji. “Omadheulo ngaka ohaga yambindhindha aailongi mokugwanitha po iinyangandhalwa ya thigilwa tayi pula okulongitha ookompiyuta,” ya fatulula ngaaka.
Oya ti ohaya gandja omadheulo go petameko, nuunene ohaya tala ontseyo omulongwa ena, yo ya mona shoka yena okutsikila ko na sho. Mboka taya ka mona omalongo agehe giihwapo otaya ka mona wo oonzapo dho ntseyo yokompiyuta yopetameko. Kehe ngoka ena ehalo ohowo a hala okuuva uuyelele wa gwedhwapo na ndhenge konomola 0811621045.
-vkaapaanda@nepc.com.na