Auleria Wakudumo 

Ehangano linasha nokuyandja opeendjela yovakulupe, ovanhu ovo vena ounghundi oshoyo ounona voukwanaluhepo Nampost ola kumaida ovanhu unene ovakulupe opo vehe li denge eendjila dile okuya keembelewa davo molwa opeendjela shaashi ehangano ohali eta omayakulo opeendjela popepi kwaavo veli kokule. 

Nampost okwa ti oha tumu ovanambelewa vaye, ovo hava ende neesenda da yooloka okuandjaneka opeendjela. 

Ehangano ola holola yoo kutya ekwato lopeendjela yomudo otali ka hovela moshivike tashiya. Oshiwana otashi indilwa nefimaneko linene opo shi kale sha shiiva omafiku opeendjela omo tava kwata ngaashi taa shikula. Omungome wovakulupe otau ka kwatelwa yoo mumwe nomungome wovanhu ovo vena ounghundi oshivike tashiya, okudja momafiku 12 fiyo 14 Januali 2026. Opeendjela younona voukwanaluhepo tai shikula ko momafiku 15 fiyo 17 Januali omanga opeendjela ile oimaliwa oyo hai kwatwa komaumbo eli momhumbwe hai ifanwa oBasic Income Grant tai xuunine momafiku 19 fiyo 20 Januali. 

Nampost ota indile va landule omafiku oo vena okukwata omungome wavo opo vaha shunifwe komaumbo. Ehangano ola yelifa kutya aveshe ovo taveke ya momafiku eheshi avo, itava ka kwafelwa notava ka shunifwa ko op ova teelele omafiku avo ngaashi sha shiivifwa. Nampost okwa yelifa kutya nonande ovanambelewa tava ende neesenda da yooloka, osha fimana opo ovanhu va shiive kutya efiku lilipi ta kwata opeendjela opo aha shunifwe ko. 

-awakudumo@nepc.com.na