Auleria Wakudumo 

Eengudu dopapolitika da yooloka oda waimina ongudu yoIndependent Patriots for Change (IPC) mokweekelashi oidjemo yomahoololo. 

Eengudu oda pula omayele paveta opo omahoololo oupresidente osho yo omutumba wopashiwana oneudo a talululwe nokweekelwashi. 

Eenguduodatiokakomisikomahoololo kake na oushili noke li kombinga vati yongudu tai pangele oSwapo. 

MOlomakaya, omupresidente wo- IPC Panduleni Itula okwa holola ta ti ita tambula ko oidjemo yomahoololo oneudu kutya nee vati ongudu yaye oyo ya vene. 

Itula eshi okwe shi holola eshi a li ta yandje ouyelele kovatoolinghundana kOvenduka mOlomakaya. 

Okwa ti oinima ihapu ya ningwa pefimbo lomahoololo oyo ihai ningwa shito okudja mo27 Novemba ndele fiyo osheshi omahoololo a wedelwa mo30 Novemba 2024. 

“Okakomisi komahoololo oka dina oudemokoli woshilongo eshi ka nyengwa okuliufa koveta yoshilongo. 

Oveta yoshilongo oya teywa nonghene itatu dulu okuufana omahoololo kutya oku li oshili noku na ouyuuki,” Itula ta ti. 

Oule womukokomoko womahoololo, eengudu dopapolitika dihapu oda holola omaliudo avo kombinga yomahoololo. 

Ovaleli veengudu osho yo ovalanduli vado ova holola unene eudonai kombinga yeembapila odo da li da pwa po, oushina vokuskena itava longo nawa, osho yo oitulilwa yeembapila ya hada. 

Itula okwa ti ongudu yaye itai ka tambula ko oidjemo notai ka lwa opo omahoololo a ekelweshi shaashi kae na vati oushili. 

-wakudumoauleria@gmail.com