Taimi Haihambo 

Opilifi oya lopotelwa oiningwanima yovanhu ve li vaheyali ve lituwa vehe na eemwenyo, omanga vatano ve likufa eemwenyo momukalo we limangeleko. 

Imwe yomoiningwanima vati olutu lomulumenhu omukalimo waKavango oo vati e na ounghundi wopomadiladilo, oo vati e lituwa a kaama momulonga. Olutu laye vati ola hangika li na oilyo imwe ihe ko, nokwa fekelelwa kutya vati otashi dulika ya lika ko keengadu. 

Olutu lomulumenhu weedula 37 natango ole lituwa la ola moOtjituo. Omulumenhu vati okwa lopotelwe a kana mo15 Juli 2025. 

Omukulupe weedula 105 wokOkamatapati naye vati okwe lituwa a xulilfila mondunda yokunangala omanga okahanana nako kehe na omwenyo kOtjiwarongo nako vati ke lituwa ketoto lokuxwikilwa oimbodi, oko ka hangika vati ka tonyenwa melapi lilaula, la pya ombinga imwe. 

Moiningwanima ya yooloka natango, omulumenhu weedula 59 Ras Sheehama, omushikingalo moNamibia okwa hangika komunhu ou ha longo meumbo lavo, e limengeleka nongodi yolusheno. Sheehama vati okwa hangika e na oipute poikesho, nombele ei ta fekelelelwa e liteta nayo vati oya hangika monduda yaye yokunangala. 

Omulumenhu weedula 30 okwa hangika e limangelekela koshi yomuti kIikokola moshitopolwa shaNayena, omanga omulumenhu weedula 47 natango a hangika e limangelekela monduda yaye yeehoni momukunda Omahenge. Umwe weedula 34 naye okwa hangika natango vati e limangeleka momwoongo nodalate yolusheno. 

-taimihaihambo2000@gmail.com