Mayovi govanasure kapi vana gwana mavango konkurusure zaNamibia dogoro mvhura ozo. Ano ukaro ngesi kuna yuka kokudona morwa kwato egazarero tateko lyongandi lyo kuwapukurura mararo gomanzi dogoro papa.Nampili asi egendeso sure zo nkurona za Namibia monomvhura ronambali dina kapita valigwire mosigongi sekuliko kugwederera mararo goku sika kono peresenta norombali nkenye mvhura kugusapo udigu ou simpe kwato eyi yina kugendapo. Kutunda mo1995 apa sure ezi zatungire Epata eli zazerwire ukaro posiruwo oso,kwato hena eyi yahorokako morwa eli gwederero lyo vanasure nkenye siruwo.Kutwara momu uyngilipo sure ezi Utaara Hoveka asi awo kapi vanakara noyimaliva yokugwana asi varuganeseko yirugana eyi. Yimaliva yina karapo yokuranda yihepwa yo ku li rongesesa,Ano yokutunga ayo kwahepa yimaliva yoyinzi yimo ana kutanta.Kampani zimwe zova China ezi zatungire mo 2004 mono minute dokuhulilira kapi twa vulire kugwanesapo yimaliva eyi morwa Us dollars kwazerukire. Utaara kafatuilire asi kugusapo eyi ntudi mutungi go ku likere valigwe kumwe asi atunge ntani yingapi nafuta munasure mwa nkenye mvhura. Nye yimaliva oyo yaha pitakana kosonso ozo ezi azi pura sure kwa nkenye murongwa gwazo. Yimaliva yomunasure gwa SADC ayoN$8 330 mwa gumwe ano gokupira asi murongwa gwa SADC age keguru no N$14 830 mo mvhura.Siruwo soso azo sure kwa gwana mahundiro gomararo gokusika komoyovi gatano{5000}Ano siruwo ngano kugusa vokusika keyovi nonorontantatu. Nkenye mvhura sure zo nkurona ngano kugava tupu mararo kovarongwa vovape wokusika komafere gane kugwederera kwava vanare.Yiyo tuna kuhundira mombunga ava vakara pepi nosure ezi mokutuvatera komararo nsene asi podiliko nonzugo yipo vagwaneko mararo yimo ana ku uyunga Shigwedha. Yiyo kagwedereko asi mbunga za kona kudiva asivavatambure nawa unenepo ngwendi vapira kukara nouturo omu. Ngapi nye kwava wokutunda koure nsene asi kapi ga kara nekoro ndi kaume zendi mo mukunda howero gwa Khomas, vana pumbwa kuvapa mararo.