VaNamibia mwaza sirongo kava dene ezuva lyaKasinga omu kava diworokere vantu ava vafire vadipagere pwahana unzoni,ntani nava vaparuki-remo. Konyara mayovi govantu unene vanona,vakadi ntani vaswamane ava vadukire mosirongo sawo morwa eko-ronyeko eli ngarugana mutondi gokutunda moSuid Afrika aya pangere mosirongo sova kwawo,evango eli Kasinga kwakara moAngola koyiha yombindakano, edipago vantu ava kwahorokere mo 1978. Ezuva kwakere lina mwena nawa kwato maligumaguro nampili gongandi omu pre-sidente Hifikepunye Pohamba napresidente gwanare Dr.Sam Nujoma kava katulire nombya pomayendo kevango oku vavhumbika mapenda gamwe gaNamibia ndi asi ko Heroes Acre, apa kapakere asi muuyu-ngi gombongarero zanavenye age kuna kutara,mufumadeka dokotora Theo Ben Gurirab, novaministera rambangako vakarelipo woyirongo moNa-mibia. Vantu ava kava kere vana lituramo nye sihorokwa esi kasi kere sina mwena kwato yiuyungwa. Konyima tupu zosiruwo apa kaya sikire presidente Hifi-kepunye Pohamba elikwamo yipo kalitamekere nompitisili edi kadi kere asi tavatura nombya yipo kava hedere pevango vature nombya opo dinawapera. Kutunda opo yiyo kapa kweme emweno nakauke mokufumadeka ava vafa. Tutengureni nye koKatutura, vantu kavatamekere kuwiza pevango eli vana kutumbura asi UN Plaza omu vanona nova-kondi kava kere tava gogomoka vakazwide evango lina mokudiworoka ezuva lyaKa-singa. Muuyungi gomunene kakere nkuru ministera goku-hova gwaNamibia kamarada Hage Geingob,ogu karetesere vantu vatengure valizuvhe ngwendi asi sihorokwa somo-Kasinga ntani sina kuhoroka konyima zonomvhura 28, nye vantu kavazuvhire ngwendi ntani yina kuhoroka. Kasinga evango eli vapere vaSWAPO awo pene momu situ vatambwiremo vantu vawo ava vanakutunda mosirongo sawo morwa ukoloni,sinzi sawo kwakere vanona,vakadi ava vakere asi ntani tupu va-nakutunda mosirongo sawo Namibia.Evango eli kwakere tupu lyokundindilira kwato ogu gakeremo ure womakwedi gatatu ndi asi gapitakanepo ntudi kakere kava ngava gendesa evango olyo.Kamba ezi kwazihomokerere vama-kakunya nonodira doyita, mangwerengwere nomahauto goyita. Evango eli kwakere vana likunu yitran hasi ano odo noboma nokutarakosi evango nalinye kwalikunine noboma. Ezuva olyo varugene ngoso vakwayita woukoloni vaSuid Afrika kwalikangangere asi vanamanapo SWAPO,asi kamba zonene vanazizungu-rurapo ntani hena SWAPO kapi ngava mumona hena pontunda zevhu. Nombapira tadiyayilikida asi Kasinga kapisi kamba moomu vayindindilire vakwa-yita vanare vaSuid Afrika. Kwakeremo tupu vantu vahana unzoni vakadi novano-na ava vakereasi kwato yirwiso. Konyara vantu kupitakana 800 yiwo vadipagere ezuva olyo. Wizeni tuyalipakerereni mo-kufumadeka nokukambekako kuwoko tutunge sirongo esi, yimo ana kutanta kamarada Hage Geingob, nokugwedako asi vaNamibia twahepa kuru-ganena kumwe ntani tuture ngendeseso zomaligusiro gu-siropo moyirugana.Vamwe ava vaparukiremo moKasinga nawo yipo kava kere posigongi sina mokuvakwateramo kanse-la gondango zositata saVen-duka Agnes Kafula,kakere tahara kulira apa kauyungire oku tadiworoka ezuva lina lyaKasinga nokugazara asi ngapi vagendere vaparuke- mo. Kwakere ezuva lyoyitran hasi,yimo ana kutanta.Noboma kwagwire nkenye kumwe. Evango nalinye kwalikunduru-kidire kwato oku nomona asi kapi kuna kugwira boma,otare nodira doyita ndi vakwayita vepevhu. Eyi kwahorokere ngwendi mangwanza tupu gana kuyi-rugana. Nampili ngomu asi yironda yaveruka nye simpe kuvhura omone asi apa yuma yapitapo yipo nye asi kapi ngatu yidivara ose ngatuyidiworoka dogoro narunye. Kafula kahundilire epan-gero livadive asi nawo ma-penda ntani hena vahepa ku-vapulisira vakadingure eyendo eli vavhumbika vantu ava vafire moKasinga.