Mo Helao Nafidi
Ruha rumwe rwa Helao Nafidi mo Oshikango, murundi na Angola kuna kumoneka asi evhu lina vana lirandesa kovaChina. Neyi tuna kuuyunga ngesi nedina nare vanalitjindi, kuna Kutumburapo asi China Dragon Town, nonkango odo kuna tundu kwaforomana gomukurona go mukunda gwa Oshikango Julius Shilunga.
Jack Xuang, Munangesefa gomuChina kwaranda evango lyenene lyevhu mo Oshikango, kovanangesefa womo Oshikango negano asi evango eli valiture likare lyovanangesefa wovaChina. Elikwamo lyangesi kalininkisire Shilunga azigide sigongi pangenderera kumwe novakwami vendi, vayaliyongeko eyi vantu vana kurandesa evhu kovatundwa yirongo. Nampili ngomu asi pwato mukarelipo godoropa za Helao Nafidi kakerepo foromani kayimwene eyi asi kapi yina wapere mo doropa. Shilunga katente asi vanangesefa navenye wovaNamibia vadivikwa nare varandesa mavango gawo kovanangesefa wovaChina. Sinka sendi simwe kasikere serandeso ndama, omu ava gwana vantu noyimuna yawo mema. Nkuruforomani navakavakerepo kavatowere kutwara udigu ou korudi roVakwanyama vakatarepo nawa. Mukurona gendesi godoropa za Helao Nafidi momberewa Chris Shivolo katanterere sayitunga za New Era asi nombudi odo vanakutanta asi Xuang kwaranda evhu mo Oshikango China Dragon, mokukwama mwendi Shivolo asi evango tupu vana kutunga mo Oshikango varandesere mo Va China, ngwendi moomu tupu vatunga nodoropa nadinye. Evango lyenene opo vana kudikira emutora olyo China Dragon kwaliranda uye wina wovakansela, wonomukunda, komeho vayature Helao Nafidi asi doropa. Shivolo katente hena asi sinzi sovanayirongo vanaweke evhu kwaliranda kovanangesefa vene womoNamibia ava vana hara yimaliwa varuganeseko, morwa vana roroka nongesefa. Ose ngondango zodoropa kapi tatulituramo monongesefa dovantu pomundinda.
Yimo ana kutanta ngoso. Ano kondama Shivolo katente asi olyo egano lyewa.
Ndango zodoropa kwamona asi evango eli kapi lina kureta ukanguki kovaNamibia rambangako va Angola. Nokugwedako yaninkisa ndango zodoropa varandese ndama zina. Gumwe nage arugana mondango zodoropa ana pilire kuhara kumutumbura katente asi vanangesefa vetu kuna kugwana yimaliwa yoyinzi kovanayirongo yiyo vana kurandesere evhu lyawo. Ndango zodoropa nakumwesi naziyikwatera oyo nsene asi venya evhu yiwo vana kurandesa. Ose kuna hara kusikisamo elikwamo lyoministeli zevhu asi no peresenta 70% vahepa kudigava kovaNamibia vene ano edi 30% yidonye dovawizimo. Ano eyi yina kuhoroka awo kuna kurandesa evhu kondiro makura tava yaranda hena limwe kondango zodoropa kombiliha. Eyi tuna kugwana ose nombilive dina kuhundira asi evhu olyo valirundwilire pwagumwe. Posiruwo simwe ose kuna kutantera vaNamibia asi vaze melizuvho lyokuruganena kumwe novanayirongo nye awo oyo kapi vana yihara. Nye awo tava dukire tupu yimaliwa vahana kutara komehoko. Apa nye vanangesefa owo kava kamwene ministera gono ngesefa nomarandesero, Hage Geingob, sinkwa ntani tupu mo Eenhana age kapulire asi vayitarurure vatjange yitundwamo asi ngapi yagenda oyo yerandeso evhu yipo vazigide sigongi vayatare udigu wevhu. Doropa za Oshikango kwa kara murudi nosirongo sa Angola.