Clemans Miyanicwe
Okozongombati-Mbunga politika zaSWAPO kazitambwire vantu wokusika konomurongo muyu, wovape kavatundire konombunga ngwendi DTA, UDF ntani CoD. Vahameni ava wovape kavavatambwire mombunga ezi posilika zokudana pahuliliro ezuva lyokudiworoka mapenda pomukunda Okozongombati konyara nokilo ntatu kutunda modoropa zaOpuwo, omu kavavatanterere asi awo kun wiza kombunga ezi zakara asi kufunda nkenye apa.
Apa katutameke ose katudana kudiworoka ezuva lyomapenda, ano ngesi ose kuna kara nye asi kuna kudana morwa kunagwana vahameni wovape kombunga zetu, yimo ngoso ana kuuynga hamatjanga ntoni gombunga zaSWAPO, Nangolo Mbumba. Age katanterere vantu ava wovape kombunga zendi asi kapisi navanye vanakuwiza wovape navaresa madina gawo nye vahepa tupu kulikida yikarata yawo youhameni mbunga zaSWAPO, morwa siruwo sina vasigipo lina toko.
Nye ava vakere asi nompitisili konombungapolitika oko munakutunda yiwo velike nanizigida komadina. Vantu nye kavakerepo kavavahundilire asi vahepa kutambura vahemeni ava mokusakerera ntani nokudimba dokudana nonsumo dawo daSWAPO, ano nyongo meguru. Vekumina Kanambunga, katanterere sayitunga zaNew Era, asi vakurona vendi vaSWAPO, age kwakere gelike gahamenene kombunga zaDTA. Vakurona vange awo nare vamwe wombunga ezi zaSWAPO, name ngesi natokora kuyalipakerera novakurona vange kombunga zaSWAPO. Name ngesi gumwe nye nina kara muswapo. Yimo ana kutanta Kanambunga.
Ben Kapi, ogu gakere asi mugwanekedesi gombunga ntani silyo sokomitiye zontjima ntjima zaCoD, katente asi age ana wiza hena kombunga zaSWAPO kutunda koCOD. Ame ninatengura kembo, morwa ame nadiva yirugana yombunga zaswapo konyima nampili ngesi. Kwato mbunga zongwa ngwendi zaswapo yimo ana kutanta Kapi age kuna kumenya menya. Kapi kawizire namukadendi apa kavayalipakererere hena kwaswapo. Ava ekoro, ngesi natengura kembo. Vamwe vavali ekoro lyakansela gwaSesfontein Klaudius Kaujova, nage gumwe vana kutanta asi ananyoroka atunde kombunga zawo zaUDF awize kombunga zaSWAPO.