Ovanhu vatatu ova xulifila moshiponga shotuwa omanga vane ova tambulilwa moshipangelo eshi va mona oshiponga.

Oshiningwanima osha ningwa efimbo lomutenya mexuliloshivike mondjila pokati koRundu noNkurenkuru moshitukulwa shaKavango West.

Oonakufya ova tongolwa ovo Elion Kambinda, Robert Nekongo naPius Sindombo .

Omupopiliko wopolifi moshitukulwa shaKavango West Rimbert Muronga okwa koleka oshiningwanima eshi.

Okwa hokolola ta ti oshiponga osha etwa konima eshi eetuwa mbali de li denga mumwe omitwe.

Ota ku hokololwa kutya omunhu umwe okwa xulifa mondjila yoku ya koshipangelo omanga vavali ova xulifila ponhele opo.

Omakonakono opolifi otaa twikile moshikumungu eshi.

-fhamalwa@nepc.com.na