Ovalumenhu vatatu ove li vaka modolongo konima eshi va teta meembulu detungo ndele tava faduka po.
Oshiningwanima eshi osha ningwa mexuliloshivike efimbo loufiku koshitaashi shopolifi kOmungwelume.
Omupopiliko wopolifi moshitukulwa shaHangwena Warrant Andreas Nghiyolwa okwa koleka ta ti fiyo opapa ka pena omufekelwa a monika.
Nghiyolwa okwa ti ovanambelewa vopolifi ove li pyakidila nokukonga ovafekelwa avo.
Okwa didilikwa ovanadolongo mOhangwena oha ve li vake modolongo unene kOshikango nOngha.
Neudo okwa lopotwa ovanadolongo vahamhano ve li vaka modolongo kOshikango ashike vatatu ina va monika fiyo opaife. Koshitaashi shopolifi kOngha okwa lopotwa ovanadolongo ovalumenhu vaheyali ve li vaka modolongo neudo.
Ovalumenhu vane ova monika ashike vatatu ina va monika fiyo onena.
Opolifi otai indile oshiwana kwau e na ouyelele kombinga yovafekelwa ava opo shi kale sha lopotela opolifi keshe i li popepi.
Nghiyolwa okwa ti ovanambelewa vopolifi otava twikile nokulonga nondjungu okukande oimbuluma.