OKATANA – Omukainhu weedula 31 okwa xulifa eshi vati a dipawa nomakatana komulumenhu waye komesho yokaana kavo keedula nhatu meumbo lavo. 

Oshiningwanima osha ningwa efimbo lomutenya momukunda Epanya moshikandjohoololo shaKatana mOshana. 

Nakufya okwa tongololwa oye Ndilimeke Heelu omukalimo womukunda Epanya. 

Omufekelwa womido 36 okwa kwatwa po nota holoka momhangu yamangestalata waShakati nena. 

Omukukulunhu koshikondo shokukonakona oimbuluma, omupedukomufala Fredrick Ndjadila okwa koleka oshiningwanima eshi. 

Opolifi oya hokolola tai ti omufekelwa okwa li hava di meumbo limwe nomukainhu waye. 

Otaku hokololwa kutya eshi vati omufekelwa a longa oshimbuluma eshi okwa kufa okaana kavo ndele te ka twala keumbo laina. 

Okudja keumbo lomufekelwa nokuya keumbo laina ope na ashike oshinano shishona. 

Opolifi oya ti omufekelwa okwa lombwela ina kutya okwa eta omutekulu waye shaashi ota ka dja po. 

Otaku hokololwa kutya okudja opo omukulupe okwa mona omutekulu waye e na ohonde koikutu noku mu pula kutya ohonde okwe i hanga peni. 

Inakulu okwa ti okwa didilika okaana ka limbililwa kehe na ohombili. 

Opolifi oya ti omukulupe okwa ufana umwe womutekulu waye weedula 22 ndele tava i keumbo lomufekelwa. 

Okwa hanga oshitenya shaye shi li mekungu lohonde sha xulifa sha kalelwa kekatana. 

Kape na etomenho kutya omolwashike omulumenhu ou a dipaa omukainhu waye. 

Omakonakono opolifi otaa twikile moshikumungu eshi. 

-fhamalwa@nepc.com.na