Okamatyona keedula 10 vati oka kwatwa onghonga lwoikando ya yooloka kumushiinda shavo manga ve li koufita.
Oshiningwanima osha ningwa oshivike sha djako komukunda Ondombe yOmuthiya moshitukulwa shaShikoto efimbo lokomatango. Omupopiliko wopolifi moshitukulwa shaShikoto Chief Inspector Ellen Nehale-Kangulu okwa hokolola ta ti omufekelwa weedula 30 okwa heka okamatyona kutya ote kape olN$20 ngeenge a i nako moixulo, a shike e shi ka anya osho ta pula okwa nukila okamatyona ndele te kwata onghonga. Opolifi oya ti efiku la landula ko natango omufekelwa okwa kwata okamatyona onghonga oshikando oshitivali, natango manga ve li koufita.Opolifi oya hokolola tai ti omufekelwa okwa lombwela okamatyona ta ti ina ke shi popya keumbo kutya okwe ka kwata onghonga.
Efiku landulako etitatu, okamatyona vati lombwela inakulu kutya ota ka ehama, ashika ka kwa li ka hala okulombwela inakulu kutya oka ningwa koshike.
Okudja opo omukulupe okwa tala opo okamatyona ta kavele nokonima okamatyona okapopya oshi li kutya ota kavele shaashi vati ka kwatwa onghonga komulumenhu wopoushiinda.
Omukulupe okwa twala okatekulu kaye koshipangelo shaMuthiya opo ka ka ningilwe omakonakono opaunamiti, nopolifi oya lombwelwa.
Omufekelwa okwa kwatwa po nota pangulilwa oshibofa shekwatonghonga.
– fhamalwa@nepc.com.na