Omulumenhu weedula 33 okwe lituwa e li meemhango moixwa kounona vaye a xulifa momukunda Otjihitwa moshitukulwa shaMusati.
Omukukainhu weedula 22 naye okwe lituwa e li meemhango a xulifa meumbo lavo momukunda Onamambulaga efimbo loufiku.
Oonakufya ova tongololwa ovo Magda l eena As ser omukalimo womomukunda Onamambulaga omanga omulumenhu oye Uunona Julius omukalimo womomukunda Otjihitwa. Omukulunhu wopolifi koshikondo shokukonakona oimbuluma moshitukulwa shaMusati oomupedkomufala Moses Simaho okwa hokolola ta ti Julius okwe lituwa moixwa kounona vaye pefimbo kwa li tava ka teka omeva. Asser naye vati okwe lituwa a xulifa monduda yaye yokunangala pefimbo kwa li ta ufanwa a lye ouvalelo.
Opolifi oya hokolola tai ti oonakufya aveshe inava fiya po omikanda tadi yandje ouyelele kombinga yomafyo avo, onghee omakonakono opolifi otaa twikile.
Oshiwana otashi kumaidwa opo shi kale tashi ka konga omakwafo kovaxungimwenyo, ovafitaongalo ile shi popye novakwapata vavo ngeenge she lihanga tashi hepekwa koupyakadi wopamadilaadilo.
Onghee opolifi oya ti okulikufa omwenyo kaku shi ekandulepo lomukundu ashike osha fimana oku ka konga omakwafo.
fhamalwa@nepc.com.na